आशाताई बच्छाव
पुज्य भदंत अंगुलीमाल शाक्यपुत्र यांचे कार्य तरुण पिढीसाठी प्रेरणादायी – आ.कैलास गोरंटयाल
जालना(दिलीप बोंडे ब्युरो चीफ)अखिल भारतीय भिक्खु संघाचे संघानुशाशक पुज्य भदन्त अंगुलीमाल शाक्यपुत्र महास्थविर यांनी सर्व समाजाच्या हितासाठी आपले पूर्ण आयुष्य खर्ची घातले आहे.त्यांचे हे कार्य येणाऱ्या पिढीसाठी निश्चितच प्रेरणादायी ठरेल असा विश्वास व्यक्त करून आ.कैलास गोरंटयाल यांनी त्यांना भावपूर्ण श्रद्धांजली अर्पण केली.
अखिल भारतीय भिक्खु संघाचे संघानुशाशक भदन्त अंगुलीमाल शाक्यपुत्र महास्थविर यांचे काल दि.२६ जुलै रोजी पहाटे वयाच्या ९२ व्या वर्षी निधन झाले.या निधनाचे वृत्त समजताच जालना विधानसभा मतदार संघाचे आ.कैलास गोरंटयाल यांनी शोक व्यक्त केला.आपले आणि भदन्त अंगुलीमाल शाक्यपुत्र महास्थविर यांचे अत्यंत सलोख्याचे संबंध होते.त्यांनी केलेल्या सूचनेवरून आपण नागेवाडी येथील नालंदा बुद्ध विहारला पर्यटन स्थळाचा दर्जा मिळावा यासाठी तसेच तेथे विविध विकासाची कामे राबविण्यासाठी आपण मोठया प्रमाणावर निधी उपलब्ध करून दिल्याचे आ.कैलास गोरंटयाल यांनी सांगितले.पूज्य भदंत अंगुलीमाल शाक्यपुत्र महास्थविर यांनी आयुष्यभर समाजाच्या हितासाठी झोकून काम केले.धार्मिक आणि सामाजिक कार्याच्या माध्यमातून त्यांनी समाजाला संघटीत करण्याबरोबरच योग्य दिशा दाखवण्याचे मौलाचे कार्य केले असून त्यांचे हे कार्य सदैव स्मरणात राहील आणि येणाऱ्या पिढीसाठी मार्गदर्शक ठरेल असेही आ.कैलास गोरंटयाल यांनी शेवटी सांगितले.
