आशाताई बच्छाव
ग्रामपंचायत उमर्टी येथे लाखों रुपयांचा घोटाळा उघडकीस..
जळगाव जिल्हा ब्यूरो चिफ – योगेश पाटील.
चोपडा तालुक्यातील सातपुडा पर्वतात असलेले ग्रामीण भागातील पेसा ग्रामपंचायत उमर्टी येथील ग्रामसेवक वासुदेव रामसिंग पारधी यांनी पेसा निधी हडप केलेली तारीख ३१सप्टेंबर २०२२ते ३१मार्च २०२३ पर्यंत तसेच १४वित्त,१५वित्त आयोग ,मानव विकास योजना अश्या विविध निधीतून एकून ५५ लाख रुपयांचा घोटाळा केलेला आढळून आला यात परस्पर खाते वापर करणे, बाहेरून ग्रामपंचायत हाताळणे, चुकीचे बिल बनविणे, बनावट सह्याचा वापर करुन निधी हडप करणे, ग्रामपंचायत चे संपुर्ण दफ्तर घरी बसून गैरवापर करणे, अश्या प्रकारचे पराक्रम करुन भ्रष्टाचार केलेला आढळून आला आहे .
यावेळ उपसरपंच संदीप सुभाष सांगोरे, व लोकनियुक्त सरपंच रिनेश रमेश पावरा यांनी खंत व्यक्त केली की आमच्या गावात खूप मोठा भोंगळ कारभार वासुदेव पारधी यांनी केलेला आहे परस्पर सर्व ग्रामपंचायत च्या खात्यांचे मालक बनणे, गावागावात एकमेकांचे भांडण लावणे, एकमेकांविरूद्ध भडकावून शांतता भंग करणे, तसेच गटविकास अधिकारी ही या प्रकरणावर वारंवार दुर्लक्ष करत आहे. व अशा ग्रामसेवकांना पाठीशी घालत आहेत. सर्व मिलीभगत असून आर्थिक व्यवहारात देखील ग्रामसेवकाला पाठीशी घातले जात आहे. याबाबतीत लवकरात लवकर कार्यवाही करण्यात यावी असे आपले म्हणणे सर्व गावकऱ्यांसमोर व महाराष्ट्र न्यूज 10 चे जिल्हा प्रतिनिधी विनायक पाटील.व इतर पत्रकारांसमोर सरपंच यांनी व्यक्त केले यावेळी उपसरपंच संदीप सांगोरे यांनी एकूण गायब झालेला निधीचा हिशोब वाचून दाखविला प्रोसेडिंग बुक कोरी पडलेली होती. कोणतेच काम कायदेशिर केलेले आढळून आलें नाही. यावेळी एकून सर्व ग्रामपंचायत सदस्य हजर राहून याविरुद्ध आवाज उठविला तसेच गावातली जास्तीत जास्त ज्येष्ठ व्यक्ती या ठिकाणी उपस्थित राहिले व शासन परिपञक क्रमाक व्हीपीएम – २०१३ /प्र.क्र.१३७/पंरा.३ दि.१२ जुन २०१३ या परिपञकानुसार ग्रामपंचायतीत आर्थिक व्यवहार करने व मालमत्ता अथवा निधीचा अपहार करणे तसेच उमर्टी ग्रामपंचायतील मुळ दस्ताऐवज खोट्या बनावट कागदपञाचा व खोट्या सयांच्या समावेश करणे या गुन्ह्यास जबाबदार असणाऱ्या ग्रामसेवक विरुद्ध फौजदारी गुन्हा तांत्काळ दाखल व्हावा असेही सरपंच ,उपसरपंच, सदस्य, व समस्त गावकरी यांचे म्हणणे सर्वांसमोर स्पष्ट केले.
