आशाताई बच्छाव
देवळा प्रतिनिधी :– मेशी ता.देवळा येथील विधायक कार्य समिती नाशिक या जनता विद्यालय या शाळेत शाळेच्या कार्यालयाचे कुलूप तोडून चोरट्यांनी शालेय साहित्यासह सी सी टिव्ही संच केला गायब.
याबाबत सविस्तर वृत्त असे की मेशी येथे इयत्ता पाचवी ते बारावी पर्यंतची शाळा असून दहावी आणि बारावीची परीक्षा केंद्र देखील आहेत शाळेला अनेक समस्यांनी ग्रासले आहे याबाबत ग्रामस्थांनी अनेकदा आंदोलने देखील केली आहेत अशातच आज चोरट्यांनी येथील मुख्याध्यापकांच्या कार्यालयाचे कुलूप तोडून सी सी टीव्ही संच चोरून नेला व शेजारील कार्यालयाचे देखील कुलूप तोडून तेथील तीन हजार नऊशे रुपयांचा सी सी टीव्ही स्क्रीन, सात हजार पाचशे रुपयांचा सी सी टिव्ही युनिट, तीन हजार नऊशे पन्नास रुपयांचा संगणक, चार हजार नऊशे एकोणपन्नास रुपयांचा सी पी यु,आठ हजार पाचशे रुपयांचा प्रिंटर असा एकूण तीस हजार सातशे नव्यानव रुपयांचा ऐवज चोरीस गेला असून फिर्यादी दिलीप रणधीर यांच्या फिर्यादीवरून देवळा पोलीस ठाण्यात अज्ञान चोरट्यांविरोधात भा. द.वि.कलम ४५४,४५७,३८० नुसार गुन्हा दाखल करण्यात आला आहे शाळेचे कर्मचारी सकाळी साफसफाई करण्यासाठी गेले असता त्यांना कार्यालयाचे कुलूप तोडलेले दिसले असता त्यांनी लगेच मुख्याध्यापक दिलीप रणधीर यांना भ्रमणध्वनी वरून घटनेची माहिती दिली त्यानंतर मुख्याध्यापकांनी देवळा पोलीस ठाण्यात तक्रार दिली असता देवळा पोलीस ठाण्याचे पोलीस उपनिरीक्षक विक्रांत कचरे पोलीस हवालदार पवार,शिंदे यांनी घटनास्थळी भेट देत पंचनामा केला असून पोलीस चोरट्यांचा शोध घेत आहेत.
दरम्यान सदर शाळेच्या मुख्याध्यापकांविरोधात गावातील माजी सैनिक प्रवीण बोरसे व ग्रामस्थांनी अपहार केला असल्याचा आरोप केला असल्याने त्याबाबत चौकशीसमिती नेमण्यात आली असून त्या चौकशी समितीने शुक्रवारी शाळेला भेट देत सायंकाळी सहा वाजेपर्यंत चौकशी केली आणि लगेच शनिवारी रात्री शाळेत चोरी होणे म्हणजे याबाबत ग्रामस्थांनी संशय व्यक्त केला असून ही चोरी नसून बनाव असल्याची चर्चा सध्या गावात सुरू आहे .याबाबत घटनेचा पुढील तपास देवळा पोलीस ठाण्याचे पोलीस निरीक्षक दिलीप लांडगे यांच्या मार्गदर्शनाखाली पोलीस उपनिरीक्षक कचरे,पोलीस हवालदार पवार,शिंदे आदी करत आहेत.