आशाताई बच्छाव
संग्रामपूर बिडिओ वर कारवाई न झाल्यामुळे कोद्री येथील नागरिकांची बुलढाणा जिल्हाधिकारी कार्यालय पुढे उपोषणाला सुरुवात!
ज्ञानेश्वर पाटील दांदळे विशेष प्रतिनिधी
(युवा मराठा न्यूज)
बुलढाणा:- संग्रामपूर तालुक्यातील कोद्री येथील घरकुल योजनेत प्रपत्र (ड) यादीतील झालेला घोळ त्यामुळे पात्र लाभार्थ्यांना अपात्र दाखवून त्यांना घरकुलापासून वंचित ठेवणाऱ्यावर कार्यवाही करणे व इतर मागण्यांकरिता संग्रामपूर पंचायत समिती समोर उपोषणास बसावयास गेलेल्या नागरिकास माचीसची काळी लावून पेटवतो म्हणणाऱ्या गटविकास अधिकारी संजय पाटील तसेच व्हिडिओ व चार ग्रामसेवक यांनी केलेल्या ओल्या पार्टी प्रकरणी त्यांच्यावर योग्य ती कार्यवाही करून निलंबन व इतर मागण्या बाबत दिनांक 01 ऑगस्ट 2022 रोजी मुख्य कार्यपालन अधिकारी जिल्हा परिषद बुलढाणा यांच्याकडे निवेदनाद्वारे सात दिवसात कारवाई करण्याबाबत मागणी करण्यात आली. कारवाई न झाल्यास 15 ऑगस्ट स्वातंत्र्य दिनापासून लाक्षणिक उपोषण जिल्हा परिषद बुलढाणा येथे करण्यात येईल व त्यानंतर जिल्हाधिकारी बुलढाणा यांच्या कार्यालयासमोर आमरण उपोषण करण्यात येईल असा इशारा कोद्री येथील श्रीराम पाटील खोंड यांनी दिला होता. त्यावर कुंभकर्णी झोपेतून संबंधित विभाग जागे न झाल्यामुळे व कुठलीही कारवाई न झाल्यामुळे अखेर ग्राम कोद्री येथील श्रीराम पाटील खोंड व निवृत्ती खोंड, भास्कर खोंड, मारुती साबळे, गजानन खोंड, नितीन शिंदे यानी आज दिनांक 15 ऑगस्ट 2022 स्वातंत्र्यदिनी सकाळी दहा वाजता लाक्षणिक उपोषण जिल्हा परिषद येथे केले. त्यानंतर कुठलीही कार्यवाही न झाल्यामुळे व जिल्हा परिषद मधील तेथील कर्मचारी त्यांना दमदाटी करत असल्यामुळे एक तासाच्या लाक्षणिक उपोषण संपल्यानंतर उपोषण करते जिल्हाधिकारी कार्यालय बुलढाणा यांच्या कार्यालयासमोर आमरण उपोषणास बसले आहेत.
