आशाताई बच्छाव
लग्नात विनापरवानगी डीजे वाजवाल तर होणार कारवाई ; तामगाव पोस्टेचे ठाणेदार राजेंद्र पवार यांचे आव्हान!
युवा मराठा न्यूज नेटवर्क/ज्ञानेश्वर पाटील दांदळे ब्युरो चीफ बुलढाणा :
सध्या लग्नसराईची धामधुम सुरु असुन लग्न व वरात मिरवणुकीदरम्यान सर्रासपणे विनापरवाना डि.जे. वाजविल्या जात आहेत. तसेच लग्न व वरात मिरवणुक काढत असतांना संवेदनशिल ठिकाणी विनाकारण थांबुन मोठया आवाजात डि.जे. या वाद्यावर आक्षेपार्ह गाणे वाजविल्या जात आहेत. त्यामुळे दोन धर्मामध्ये मोठ्या प्रमाणात वाद होवुन कायदा व सुव्यवस्थेचा प्रश्न निर्माण होत आहेत. पोलीस स्टेशन तामगांव हददीतील ग्राम पातुर्डा येथे सुध्दा दि. २० एप्रिल२०२४ रोजी लग्न मिरवणुकीदरम्यान मस्जीदीसमोर डि.जे. वर आक्षेपार्ह गाणे वाजविण्याचे कारणावरुन दोन गटांमध्ये वाद होवुन दोन्ही गटातील लोकांवर गुन्हे दाखल करण्यात आलेले आहेत. तसेच काल दि. २७ एप्रिल२०२४ रोजी रात्रीदरम्यान पोलीस स्टेशन सोनाळा हददीतील ग्राम टुनकी येथे झालेल्या वरात मिरवणुकीदरम्यान संवेदनशिल ठिकाणी आक्षेपार्ह गाणे वाजविल्याने दोन गटात वाद होवुन कायदा व सुव्यवस्थेचा प्रश्न निर्माण झाला होता. डि.जे. या वादयाच्या आवाजामुळे नवजात शिशु तसेच वयोवृध्द लोकांचे कानावर व हदयावर वाईट परिणाम पडत आहेत. पोलीस स्टेशन तामगांव हददीतील गावामध्ये ज्या ठिकाणी लग्न समारंभ आहेत, त्याठिकाणी लग्न व वरात मिरवणुक काढल्या जात आहेत किंवा कसे? तसेच मिरवणुकीमध्ये डि.जे. वर वाद्य वाजवणाऱ्यांवर कार्यवाही करिता तामगांव पोलीसांनी आपली गोपनीय यंत्रणा सक्रिय करुन त्यावर लक्ष ठेवुन आहेत. यापुढे पोलीस स्टेशन तामगांव हददीतील कुठल्याही गावामध्ये लग्न, वरात व इतर मिरवणुकीदरम्यान डि.जे. हे वाद्य पोलीसांची पुर्वपरवानगी न घेता डीजेवर आक्षेपार्ह गाणे वाजवुन दोन धर्मामध्ये वाद होवुन कायदा व सुव्यवस्था निर्माण झाल्यास डि.जे. वाद्य पोलीस स्टेशनला आणुन त्याचेवर कायदेशीर व दंडात्मक अशी कठोर कार्यवाही करण्यात येणार आहे. तसेच लग्न व वरात मिरवणुकीदरम्यान झालेल्या वादाबाबत एकमेकांविरुध्द गुन्हे दाखल करण्यात येतील, असे आवाहन तामगांव पोलीस स्टेशनचे ठाणेदार सहायक पोलीस निरिक्षक राजेंद्र पवार यांनी जनतेला केले आहे.
