राजेंद्र पाटील राऊत
विसापुर येथे मुलाने केला बापाचा निर्घुण खून…
गडचिरोली,(सुरज गुंडमवार ब्युरो चीफ युवा मराठा न्युज नेटवर्क)- शहरापासून अवघ्या चार किलोमीटर अंतरावर, असलेल्या विसापूर टोली या गावात एका मुलाने आपल्या वडिलांचा खून केल्याची घटना उघडकीस आली.मृतक वडीलाचे नाव दामोदर तागडे वय 55 वर्षे असून, खून करणाऱ्या आरोपीचे नाव तेजस दामोदर काकडे 24 वर्ष राहणार विसापूर आहे
. तेजस हा आपल्या वडिलांचा खून केल्यानंतर फरार झाला होता, परंतु पोलिसांना त्याच्या मोबाईल लोकेशन माहिती कळताच नियोजनबद्ध तपास लावून आरोपीं तेजसला दोन तासात गडचिरोली शहरातील एसटी डेपो च्या परिसरातून पकडण्यात आलेले आहे. खून झाल्याची माहिती पोलिस ठाण्यात मिळताच, ताबडतोब पोलीस पथक घटनास्थळी दाखल झाले होते. घटनास्थळी पंचनामा करून मृतक दामोदर तागडे यांचा मृतदेह शवविच्छेदनासाठी सामान्य रुग्णालयात पाठविण्यात आलेला आहेत. मृतक दामोदर यांना दोन मुले असून मोठा मुलगा सुरजागड येथील पोलिसांच्या सी सिक्सटी या पथकात कार्यरत असून लहान मुलगा आरोपी तेजस हा बेरोजगार होता. दारू नशेत वडिलांसोबत झालेल्या वादामुळे लहान मुलाने कुऱ्हाडी ने हत्या केल्याची माहिती पोलिस तपासामध्ये निष्पन्न झालेली आहे.
पोलीस अधिक्षक अंकित गोयल यांच्या मार्गदर्शनात स्थानिक गुन्हे शाखेचे पोलिस निरीक्षक गावंडे, सहाय्यक पोलीस निरीक्षक चेतन चव्हाण यांच्या नियोजनबद्ध तपासा मुळे आरोपीस अवघ्या दोन तासात ताब्यात घेण्यात आहे. हे विशेष..
पुढील तपास गडचिरोली पोलिस करीत आहेत.
