आशाताई बच्छाव
शिवरायांबद्दल आक्षेपार्ह पोस्ट करणाऱ्यांवर कार्यवाही करा –
छावा सेनेच्या वतीने जिल्हाधिकाऱ्यांना दिले निवेदन
दैनिक युवा मराठा
रामभाऊ आवारे निफाड
महाराष्ट्राचे आराध्य दैवत छत्रपती शिवाजी महाराज यांच्याविषयी सामजिक माध्यमातून आक्षेपार्ह पोस्ट प्रसारित करण्यात आली असून त्या व्यक्तीवर त्वरित कडक कायदेशीर कार्यवाही करावी अशी मागणी छावा मराठा सेनेचे जिल्हाध्यक्ष पोपट पताडे यांच्या नेतृत्वाखाली शिष्टमंडळाने उपजिल्हाधिकारी राजेंद्र वाघ यांना दिलेल्या निवेदनाद्वारे केली आहे.
दोन धर्मात तेढ निर्माण करण्याचे काम काही अपप्रवृत्ती करत आहेत, महापुरुषांची बदनामी होईल अशा पोष्ट सामाजिक माध्यमातून प्रसारित करून समाजात जातीभेद निर्माण केला जात आहे अशा व्यक्तींवर त्वरित कडक कायदेशीर कार्यवाही करावी अन्यथा छावा मराठा सेना नाशिक जिल्ह्यात तसेच महाराष्ट्र राज्यामध्ये तीव्र स्वरुपाचे आंदोलन छेडले जाईल असा इशारा जिल्हाध्यक्ष पोपट पताडे यांनी उपजिल्हाधिकारी यांना निवेदनाद्वारे दिला आहे. याप्रसंगी तालुकाध्यक्ष शुभम मेढे, संपर्क प्रमुख जीवन पिंगळे, शहर अध्यक्षा खुशीताई जैन, तालुका संपर्क प्रमुख नितिन राव आदींसह पदाधिकारी उपस्थित होते.
■ कुठल्याही महापुरुषांची बदनामी छावा मराठा सेना खपवून घेणार नाही, महापुरुष हे आमचे दैवत आहे, त्यांच्या विचारांचा वारसा आजही आम्हाला प्रेरणा देतो, त्यांच्याबद्दल आक्षेपार्ह भाषा वापरून पोष्ट व्हायरल केली जात असून अशा अप प्रवृत्तीवर त्वरित कार्यवाही करावी.
सुनील भोर–संस्थापक अध्यक्ष छावा मराठा सेना
