राजेंद्र पाटील राऊत
भरधाव ट्रकने पत्रकाराला उडवले; जागीच ठार, चिखली तालुक्यातील घटना
चिखली (ब्युरो चीफ स्वप्निल देशमुख युवा मराठा न्यूज बुलडाणा ) ः भरधाव ट्रकने दिलेल्या धडकेत ४० वर्षीय पत्रकाराचा जागीच मृत्यू झाला. ही घटना आज, १६ जानेवारी रोजी सकाळी दहाच्या सुमारास चिखली- खामगाव रोडवरील पेठ बसस्थानकाजवळ घडली. जयदेव साहेबराव शेळके (४०, रा. पेठ, ता. चिखली) असे अपघातात ठार झालेल्याचे नाव आहे. त्यांनी वेगवेगळ्या दैनकात वार्ताहर म्हणून काम केले होते.
जयदेव शेळके रस्ता ओलांडत असताना चिखलीकडून खामगावकडे जाणाऱ्या ट्रकने (क्र. एमपी २० बी ८६२२) जबर धडक दिली. यात ते जागीच ठार झाले. अपघातानंतर ट्रक घटनास्थळावरून पसार झाला. मात्र वेळीच अमडापूर पोलिसांना माहिती मिळाल्याने पोलिसांनी काही मिनिटांत ट्रक व ट्रकचालकाला ताब्यात घेतले. अमडापूर पोलिसांनी घटनास्थळी पोहोचून पंचनामा केला. याप्रकरणी ट्रक चालकाविरुद्ध अमडापूर पोलीस ठाण्यात गुन्हा करण्यात आला आहे.