राजेंद्र पाटील राऊत
छत्रपती शिवाजी महाराज राष्ट्रीय पुरस्काराने हसन सय्यद यांचा गौरव
_________________________
औरंगाबाद बबन निकम विभागीय संपादक युवा मराठा न्यूज नेटवर्क
_________________________
जिजाऊ बहुउद्देशीय सेवाभावी संस्थेच्या वतीने, छत्रपती शिवाजी महाराज राष्ट्रीय गौरव पुरस्कार सोहळा, दिनांक 1 जानेवारी रोजी विनायकराव पाटील सभागृह पंचायत समिती वैजापूर येथे, विविध मान्यवरांच्या उपस्थितीत नुकताच पार पडला,
यात महाराष्ट्रातील विविध क्षेत्रातील उल्लेखनीय काम करणाऱ्या व्यक्तींना पुरस्कार देण्यात आला, यंदाच्या पुरस्कारासाठी लोकशाही मराठी पत्रकार संघाचे औरंगाबाद जिल्हा प्रभारी तथा दैनिक मराठवाडा साथीचे प्रतिनिधी हसन सय्यद लोणीकर यांची निवड झाल्यानंतर त्यांना तो कृषी उत्पन्न बाजार समितीचे माजी सभापती व विद्यमान संचालक शिवसेनेचे नेते संजय पाटील निकम व उपविभागीय पोलीस अधिकारी कैलास प्रजापति साहेब आयोजक सूर्यकांत मोठे आदी मान्यवरांच्या हस्ते प्रदान करण्यात आला. हसन सय्यद हे एक अभ्यासू पत्रकार ग्रामीण भागातील शोध पत्रकारिता निर्भीड पत्रकार म्हणून ओळखले जातात, त्यांचे कार्य नव्या पिढीसमोर कायम राहावे या विधायक हेतूने हा पुरस्कार, जिजाऊ बहुउद्देशीय सेवाभावी संस्थेच्या वतीने पत्रकारिता क्षेत्रात व इतर क्षेत्रातील उल्लेखनीय कार्य करणाऱ्या व्यक्तींना पुरस्कार दरवर्षी दिला जातो संपूर्ण महाराष्ट्रातील समाजाप्रती संविधानाची जाणीव व समाजाप्रती बांधिलकी असणाऱ्या व्यक्तींना, शिवाजी महाराज राष्ट्रीय गौरव पुरस्कार देऊन गौरविण्यात आले.
लोणी खुर्द येथील पत्रकार हसन सय्यद यांनी प्रिंट मीडियातील सातत्याने ग्रामीण विकासाच्या प्रश्नांना त्यांनी वाचा फोडली आहे, सामान्य माणूस केंद्रबिंदू मानून विधायक व संस्कृत पत्रकारितेचा वसा व वारसा ते जोपासत आहे तसेच शिक्षण महिला सबलीकरण साहित्य व आध्यात्मिक सांस्कृतिक शैक्षणिक राजकीय क्षेत्रातील दैनंदिन घडामोडींवर लक्ष वेधून घेणारी विधायक विकासात्मक पत्रकारिता त्यांच्या आवडीचा विषय आहे, त्यामुळे त्यांना छत्रपती शिवाजी महाराज राष्ट्रीय गौरव पुरस्काराने सन्मानित करण्यात आले, यावेळी वैजापूरचे कृषी उत्पन्न बाजार समितीचे माजी सभापती व विद्यमान संचालक शिवसेनेचे नेते संजय पाटील निकम, उपविभागीय पोलिस अधिकारी कैलास प्रजापति, सामाजिक कार्यकर्ते धोंडीराम सिंग ठाकूर, किशोर मगर तालुकाध्यक्ष छावा संघटना, श्रमिका दळवी समाजसेविका आत्मनिर्भर फाउंडेशन मुंबई,
अँन्ड धनराज अंभोरे अध्यक्ष जिजाऊ बहुउद्देशीय सेवाभावी संस्था,
संतोष दौंड सचिव जिजाऊ बहुउद्देशीय सेवाभावी संस्था, आयोजक सूर्यकांत मोठे सचिव पोलीस पाटील संघटना यांच्यासह अनेक मान्यवरांची प्रमुख उपस्थिती होती.
