राजेंद्र पाटील राऊत
गोदाकाठच्या शेतकऱ्यांच्या शेतीपंपाचे वीज कनेक्शन कट करू नये; अन्यथा आंदोलन : बोडके
निफाड (पिंपळगाव बसवंत)- सागर कटाळे युवा मराठा न्यूज नेटवर्क चॅनेल निफाड तालुका प्रतिनिधी निफाड तालुक्यातील गोदाकाठच्या शेतकऱ्यांच्या शेतीपंपाचे वीज कनेक्शन थकीत बिलांअभावी कनेक्शन कट करण्याची धमकी महावितरणकडून येत आहेत. त्यामुळे शेतकऱ्यांचे वीज कनेक्शन कट करू नये अशी आग्रही मागणी करत करंजगावचे माजी सरपंच व महाराष्ट्र राज्य बियाणे उपसमितीचे सदस्य खंडू बोडके-पाटील यांनी शेतकऱ्यांच्या भावना आक्रमकपणे मांडत तीव्र जणआंदोलनाचा इशारा दिला. वीज वितरण कंपनीचे मुख्य अभियंता दीपक कुमठेकर व कार्यकारी अभियंता राजाराम डोंगरे यांच्या उपस्थितीत चितेगाव फाटा येथील कुलस्वामिनी लॉन्स येथे शेतकऱ्यांचा ग्राहक संवाद मेळावा झाला.यावेळी अनेक शेतकऱ्यांनी आपल्या व्यथा मांडल्या.गोदाकाठचे शेतकरी अस्मानी संकटामुळे उध्वस्त झाले असून थकबाकी वसुलीमुळे त्रस्त झाल्याचे विशद करत आक्रमक भूमिका मांडली.चालू बिले भरण्यास शेतकरी तयार असून थकीत बिलांसाठी तगादा लावल्यास टाळे लावा आंदोलनाचा इशारा यावेळी बोडके-पाटील यांनी दिला.