राजेंद्र पाटील राऊत
बहाद्दरपुरा येथे भाई गणपतराव देशमुख वाचन कक्षाचे पाडव्यारोजी उदघाटन – भाई कुरूडे
नांदेड ब्युरो चीफ/ राजेश एन भांगे युवा मराठा न्युज नेटवर्क
कंधार – बहादरपुरा येथील कै. उल्हास कुरूडे सार्वजनिक वाचनालयात शेकाप पक्षाचे दिवंगत नेते भाई गणपतराव देशमुख वाचन कक्षाचे स्थापन करण्यात आले आहे. दिनांक ५ नोव्हेंबर रोजी सकाळी ११ वाजेच्या सुमारास पाडव्याच्या मुहूर्तावर या वाचन कक्षाचे उद्घाटन समारोह होणार असल्याचे भाई कुरूडे यांनी कळविले.
उल्हास मेमोरियल ट्रस्ट कंधार च्या वतीने तालुक्यातील पाच ते सहा गावात ग्रामीण वाचनालय चालू आहे. तर बहादरपुरा फुलवळ, घोडज, पांगरा आदी गावात हे वाचनालय आज घडीला चालत आहे बादरपुर येथील वाचनालय ग्रामपंचायत च्या वरच्या मजल्यावर चालू आहे. त्यामुळे वृद्ध व अपंग महिलांना जीनावर चढून जाण्यास अवघड जात असल्याने माजी आमदार भाई गुरूनाथरावजी कुरूडे यांनी त्यांच्या सुलोचना या निवासस्थानासमोर प्रकाश कुरुडे यांच्या जागेत भाई गणपतराव देशमुख वाचन कक्षाचे स्थापन करून वृद्ध अपंग व महिलांची वाचनाची सोय केली आहे तर यापुढे याच जागेत वाचनालयाचे कार्यालय राहणार आहे.
तरी या वाचन कक्षाच्या कार्यक्रमाचे पाडव्याच्या मुहूर्तावरील औपचारिक उद्घाटन माजी आमदार भाई कुरूडे यांच्या प्रमुख उपस्थितीत तर नांदेडचे ग्रंथालय अधिकारी प्रतापराव सूर्यवंशी यांच्या हस्ते होणार आहे.
तरी यावेळी या कार्यक्रमास माजी आमदार भाई गुरूनारावजी कुरूडे साहेब (सचिव श्री.शि.मो.ए.सो.कंधार), गोदावरीबाई गायकवाड (सरपंच बहादरपुरा), सौ. संजीवनीताई कुरडे (माजी जिल्हा परिषद सदस्य नांदेड.) श्री हनुमंत माधवराव पा.पेटकर (उपसरपंच बहादरपुर), श्री सुधीर गुरुनाथराव कुरुडे (उपमुख्याध्यापक शिवाजी हायस्कूल नांदेड) व श्री दत्तात्रयराव एमेकर (माजी ग्रंथपाल) हे प्रमुख पाहुणे तर श्री शिवाजी मोफत एज्युकेशन सोसायटीचे अध्यक्ष व जिल्हा परिषदेचे माजी सदस्य प्रा. डॉ. पुरुषोत्तम केशवरावजी धोंडगे हे या कार्यक्रमाच्या अध्यक्षस्थानी म्हणून राहतील.
तसेच या कार्यक्रमास बहादरपुरा परिसरातील नागरिकांनी मोठ्या संख्येने हजेरी लावून कार्यक्रमास उपस्थिती दर्शवावी असे आवाहन कै. उल्हास कुरूडे सार्वजनिक वाचनालयाचे अध्यक्ष भाई दत्तात्रय गुरूनाथरावजी कुरूडे, वाचनालयाचे सचिव प्रदीप इंदुरकर सर व तसेच ग्रंथपाल संजय एमेकर यांनी केले आहे.