Home Breaking News खालप विकास सोसायटीत अपहार ; तत्कालीन सचिव व मदतनीस विरोधात गुन्हा दाखल

खालप विकास सोसायटीत अपहार ; तत्कालीन सचिव व मदतनीस विरोधात गुन्हा दाखल

135
0

खालप विकास सोसायटीत अपहार ; तत्कालीन सचिव व मदतनीस विरोधात गुन्हा दाखल
(भिला आहेर प्रतिनिधी युवा मराठा न्युज नेटवर्क)-
देवळा : तालुक्यातील खालप विविध कार्यकारी सेवा सहकारी संस्थेच्या सण २०११ ते २०१७ च्या केलेल्या लेखापरीक्षण अहवालात अपहार तसेच अफरातफर केल्याचे आढळून आल्यावरून संस्थेचे तत्कालीन सचिव पोपट उशिरे व मदतनीस समाधान सूर्यवंशी यांना जबाबदार धरून नवनाथ बोडके , लेखापरीक्षक ,सहकारी संस्था देवळा यांनी देवळा ठाण्यात फिर्याद दाखल केली आहे . या फिर्यादीवरून मंगळवारी(दि ४ ) रोजी गुन्हा दाखल करण्यात आला आहे. अशी माहिती पोलीस निरीक्षक सुहास देशमुख यांनी दिली . याबाबत लेखापरीक्षक बोडके यांनी देवळा पोलिसात दिलेल्या फिर्यादीत नमूद केलेली अधिक माहिती अशी की , देवळा तालुक्यातील खालप विविध कार्यकारी सेवा सहकारी संस्थेचे सण २०११/१२ ते सण२०१७/१७ या कालावधीचे चाचणी लेखापरीक्षण पूर्ण केलेले असून ,संस्थेत ५८ लाख ३६ हजार २४४ रुपये एवढ्या रकमेचा अपहार झालेला असून , सदर अपहारास संस्थेचे तत्कालीन सचिव पोपट दगडू उशीर व मदतनीस समाधान पंडित सूर्यवंशी हे वयक्तिक व संयुक्तरित्या जबाबदार आहेत . सदर आरोपींनी संस्था , संस्थेचे सभासद, संचालक मंडळ व कर्जदार यांचा विश्वासघात करणे , खोट्या नोंदी करणे,रोख रकमेचा अपहार करणे अशा प्रकारे ५८ लाख ,३६ हजार ,२४४ रुपयांची फसवणूक केलेली आहे . म्हणून माझी शासनाच्या वतीने नमूद आरोपींविरुद्ध कायदेशीर कारवाई होण्यासाठी तक्रार आहे . पुरावा म्हणून अफरातफर, अपहराचा अहवाल सहायक निंबधक सहकारी संस्था देवळा यांचे अभिमतची साक्षांकित प्रत व जिल्हा विशेष लेखापरीक्षक वर्ग १ सहकारी संस्था, नाशिक यांचे पत्र जोडून देवळा पोलिसांत शासनाच्या वतीने कायदेशीर फिर्याद दाखल करण्यात आली आहे . यावरून खालप विकास संस्थेचे सचिव व मदतनीस यांनी कार्यरत असतांना स्वतःच्या आर्थिक फायद्यासाठी संस्थेच्या दैनंदिन कामकाजातील रकमेचा अपहार करून सभासद व भागधारक यांची फसवणूक केल्याप्रकरणी गुन्हा दाखल करण्यात आला आहे . अधिक तपास पोलीस अधीक्षक सुहास देशमुख करीत आहेत .

Previous article**आयटी क्षेत्रात एक लाख रोजगाच्या संधी:
Next article*नोंदनीकृत बांधकाम कामगारांच्या मुलांना शैक्षणिक अभ्यास व परिक्षा देण्याकरिता मोफत मोबाईल टॅब देण्यात यावे.* *सय्यद मिनहाजोद्दीन*
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here