राजेंद्र पाटील राऊत
🛑 यंत्रणाच नसताना पुण्यातील रुग्णालय दवाखान्यांमध्ये अग्निरोधक यंत्रणा वापरण्याचे प्रशिक्षण 🛑
✍️ पुणे 🙁 विलास पवार पुणे ब्युरो चीफ युवा मराठा न्युज)
पुणे-:⭕ हॉस्पिटल्स आणि कोविड सेंटर्स मध्ये एकामागे एक आगीच्या दुर्घटना घडल्याचे समोर आल्यानंतर, सरकारने महाराष्ट्रातील रुग्णालयांचे फायर ऑडीट करण्याचे आदेश दिले होते.
यानंतर अनेक दिवसांनी जाग्या झालेल्या पुणे महानगरपालिकेने महापालिकेच्या दवाखाने आणि रुग्णालयांमधील अधिकारी कर्मचाऱ्यांना आग प्रतिबंधक यंत्रणा वापरण्याचे प्रशिक्षण देण्याचे आदेश अग्निशामक दलाला दिले.
त्याप्रमाणे अग्निशमन दलाने आपले कार्य पार पाडले. मात्र यातून एक धक्कादायक बाब समोर आली आहे, ती म्हणजे पुण्यातील बहुतांशी पालिकेच्या रुग्णालयांमध्ये मुळातच हे अग्निरोधक अर्थात फायर एक्सटिंग्यूशरच नाही. काही रुग्णालयांमध्ये आहे तर ते वापरायचे माहित नाही आणि काही ठिकाणी नुसते शोभेचे पाईप लावून ठेवलेत आणि ते लावल्यापासून कार्यान्वितच नाहीत. ही अवस्था शासकीय इमारतींची असेल तर खाजगी इमारतींकडून काय अपेक्षा ठेवणार असा प्रश्न समोर येतोय.
हे प्रशिक्षण आणि तपासणी झाल्यानंतर चेकमेट टाईम्सने कोथरूड अग्निशमन दलाचे अधिकारी गजानन पाथ्रूडकर यांना विचारणा केली असता, धक्कादायक खुलासे झाले असून, “आंधळ दळतंय आणि कुत्र पीठ खातंय” या म्हणीप्रमाणे अवस्था झाली आहे असे म्हटल्यास वावगे ठरणार नाही. पहा तुमच्याही पायाखालची जमीन सरकेल…
एकूणच काय तर “विहिरतच नाही तर पोहऱ्यात कुठून येणार?” या म्हणीप्रमाणे अवस्था झालेली असून, जर अग्निरोधक यंत्रणाच नाही तर त्याचे प्रशिक्षण देऊन पालिकेला काय मिळणार आहे असा प्रश्न या निमित्ताने उपस्थित होतोय.
तर स्थानिक नगरसेवक कोटींची उधळपट्टी सुशोभिकरणाच्या नावाने करत असताना, या अत्यावश्यक गरजांकडे कोण लक्ष देणार असा प्रश्नही उपस्थित होतोय.⭕