आशाताई बच्छाव
वाहनांच्या एलईडी दिव्यांमुळे अपघाताचा धोका वाढू लागला!
मोहन चव्हाण
ब्युरो चीफ बीड जिल्हा
बीड/परळी – परळी तालुक्यातील सिरसाळा गाव तालुका स्तराचे असून सध्या परळी ते बीड राष्ट्रीय महामार्गाच्या नवीन रस्त्याचे काम चालू असून सध्या परळी ते सिरसाळा रस्त्याचे सध्या स्थितीत काम चालू असल्यामुळे रात्रीच्या वेळी वाहनधारकांना चांगलीच कसरत करावी लागत आहे. आणि त्यात भर म्हणून समोर येणाऱ्या वाहनांचे हेडलाईटचे फोकस वाहन उत्पादक कंपन्यांनी दुचाकी,चारचाकी मध्ये मोटार वाहन कायद्याचे पालन करत पूर्वीच्या दिव्याऐवजी (ब) एलईडी दिवे दिले आहेत. ते पद्धतीने अप्पर किंवा डिप्पर करून वापरता येतात. मात्र त्यापेक्षा अधिक प्रखर लाईटचा हट्टहास वाहनधारकांकडून वाढत आहे. त्यामुळे वाहनांला तीव्र फोकस असलेल्या व्हाईट लाईटचे (डॅझलिंग लाईट) अतिरिक्त दिवे बसून घेत आहेत. दुचाकी, चारचाकी वाहनांमध्ये नियमबाह्य बदल करून अशा लाइट्स लावल्या जात आहेत. प्रकाशझोतामुळे समोरून येणाऱ्या वाहनामुळे वाहनचालकांचे डोळे दिल्यामुळे रस्त्याचे अर्धवट काम व पुलाचे काम लक्षात येत नाही. हे दिवे रात्रीच्या वेळी अपघाताचे कारण ठरत आहेत. वाहन उत्पादक कंपन्यांनी लावलेल्या दिव्याव्यतिरिक्त जास्त प्रखर दिवे लावणे मोटर कायद्याअंतर्गत गुन्हा आहे. आरटीओकडून या वाहन चालकांवर नियमित दंडात्मक कार्यवाही केली जाते. दरम्यान नागरिकांनी दुचाकी, चारचाकी वाहनांना अतिरिक्त दिवे बसवू नये. नियमांचे उल्लंघन करणाऱ्यांवर कारवाई कधी होईल अशी चर्चा नागरिकांतून ऐकावयास मिळत आहे. कंपनीने नियमानुसार दिवे लावले असतात, वाहनाचा जसा कमी जास्त वेग होईल त्यानुसार लाईट मध्ये फरक पडतो. त्यावर अधिक लाईटची गरज म्हणून या व्हाईट लाईटचे दिवे लावण्याचे प्रमाण अधिक वाढले आहेत. डोळे दिपल्यामुळे वाहनावरील चालकाचे नियंत्रण सुटते. हे दिवे बॅटरीवर चालत असल्याने वाहनाच्या वेगाचा त्यावर परिणाम होत नाही. पण त्याच्या व्यतिरिक्त अनेक जण दोन किंवा चार एलईडी डॅझलिंग लाईट लावतात. समोरून येणाऱ्या वाहनांचे डोळे दिपल्यामुळे वाहनाचे नियंत्रण सुटून अपघात होण्याची शक्यता असते. मोटार वाहन कायद्याअंतर्गत कारवाई होते. वाहनांचे लाईट, आरसे, रंग बदलणे म्हणजे मोटर कायद्याचे उल्लंघन करणे होय, असे बदल वाहनधारकांकडून केले जातात. नोंदणीवेळी असे प्रकार दिसल्यास त्यांच्यावर दंडात्मक कारवाई केली जाते. त्यामुळे वाहनांची नोंदणी झाल्यावर असे बदल केले जातात.
