तुकोबारायांच्या पादुकांच्या दर्शनाचा २५ लाख भाविकांनी घेतला लाभ

आशाताई बच्छाव

तुकोबारायांच्या पादुकांच्या दर्शनाचा २५ लाख भाविकांनी घेतला लाभ

दैनिक युवा मराठा
रामभाऊ आवारे निफाड

भरवस फाटा ता.निफाड येथे जगद्गुरु संतश्रेष्ठ श्री तुकोबाराय त्रिशतकोत्तर अमृत महोत्सवी ३७५ वा वैकुंठगमन सोहळ्याच्या समारोपाच्या दिवशी सकाळी दहा ते बारा पूजेचे कीर्तन हभप एकनाथ महाराज सदगीर यांचे हरिकीर्तन संपन्न झाले. तसेच सायंकाळी ४ ते ६ या वेळेत ह.भ.प.ज्ञानेश्वर माउली कदम उर्फ छोटे माउली यांच्या काल्याच्या कीर्तनाने आनंदमय व उत्साहाच्या वातावरणात सांगता झाली.
महाराष्ट्राच्या कानाकोपऱ्यातून हजारो भाविकांनी मुक्कामी येऊन हजेरी लावली होती. सप्ताह काळात सुमारे २५ लाख भाविकांनी तुकोबारायांच्या पादुकांचे दर्शन घेतले. कार्यक्रम संपल्यानंतरही भाविक रांगेत उभे राहून पादुकांचे दर्शन घेत होते. कार्यक्रमाचा शेवटचा दिवस असल्याने कृषी प्रदर्शनात सहभाग घेण्यासाठी महिला व पुरुषांनी एकच गर्दी केली होती. कृषी प्रदर्शनात शेतीला लागणारे बी बियाणे, औषधे, ठिबक सिंचन, पाईप, रोपवाटिका नर्सरी, मिल्किंग मशीन, पशुखाद्य, शेतीविषयक पुस्तके, बचत गट उत्पादने, शेतकऱ्यांना शासकीय विभाग व बँक कर्जाविषयी माहिती, लघुउद्योग, गृह उद्योग आधी उद्योगांचा माध्यमातून विविध कंपन्या व वैयक्तिक व्यावसायिकांनी आपला माल विक्रीसाठी आणला होता.
या सप्ताहाचा कालखंडात समता ब्लड बँक नाशिक यांनी रक्तदान शिबिर आयोजित केले होते, तसेच म वि प्र मेडिकल कॉलेज नाशिक यांनीही शेवटच्या दिवशी आरोग्य शिबिरास सेवा उपलब्ध करून दिले. सुमारे २०० च्या वर रक्तदात्यांनी रक्तदान केले. लासलगाव येथील कृष्णाई मल्टीस्पेशालिटी हॉस्पिटलच्या माध्यमातून मोफत नेत्ररोग तपासणी शिबिर आयोजित करण्यात आले होते. आरोग्य शिबिरात दररोज तीनशे ते चारशे लोकांची आरोग्य तपासणी करण्यात येत होती.या काळात दररोज ५००० वाचकांचा भव्य दिव्य संगीत गाथा पारायणास सहभाग नोंदविला. अखंड हरिनाम सप्ताह मध्ये टाळकरी विनायकरी मृदंग वादक व भजनी मंडळ यांनी दररोज शुभ्र पोशाख परिधान करत कार्यक्रमाचे शोभा वाढविली. यावेळी महाराष्ट्रातील नामवंत व अभ्यास व कीर्तनकारांनी उपस्थित भाविकांना अज्ञान केले. सद्गुरु तुकाराम महाराजांच्या पादुकां समोर २४ तास “तुकाराम तुकाराम”या नामाचा अखंड भजन पहारा करताना होणारा हरिनामाचा गजर लक्ष वेधून घेत होता.
या सप्ताहाची समाप्ती गुढीपाडव्याच्या शुभ मुहूर्तावर असल्याने जवळपास सव्वा लाख मांडे, एक लाख लिटर दूध, सार व भात असे गोड जेवणाचे नियोजन करण्यात आले होते. मांडे वगळता इतर सर्व खर्च लासलगाव बाजार समितीच्या संचालिका सोनियाताई होळकर यांनी केला. कार्यक्रमाच्या मदतीसाठी पाच हजार स्वयंसेवक शेवटच्या दिवशी कार्यरत होते. लोकनेते विद्यालयाच्या शालेय विद्यार्थ्यांनी महाप्रसाद वाढण्यासाठी मदत केली. समाप्तीच्या सहा तालुक्यातून मांडे जमा करण्यात आले होते. समारोपाच्या काल्याच्या कीर्तनात गुरुवर्य हरिभक्त परायण ज्ञानेश्वर माऊली कदम( छोटे माऊली ) यांनी देणगीदार, शेतकरी,वारकरी, स्वयंसेवी संस्था, सहभागी झालेले स्वयंसेवक, किर्तन सेवा देणारे कीर्तनकार, तीन-चार महिन्यापासून कार्यक्रमाच्या यशस्वीतेसाठी अहो रात्र झटणारे पंचक्रोशीतील स्वयंसेवक, सामाजिक, शैक्षणिक, राजकीय,धार्मिक क्षेत्रातील मान्यवर, पोलीस प्रशासन व पत्रकार बांधव यांचे विशेष आभार मानले.

⚫ सांगता प्रसंगी केंद्रीय आरोग्य राज्यमंत्री ना.भारतीताई पवार, अन्न नागरी पुरवठा मंत्री ना. छगन भुजबळ, आमदार आशुतोष काळे, माजी जिल्हा परिषद सदस्य डी के नाना जगताप, अमृताताई पवार, मुंबई कृषी उत्पन्न बाजार समिती संचालक जयदत्त होळकर, शिवसेना नेते कुणाल दराडे, लासलगाव बाजार समिती माजी सभापती सुवर्णाताई जगताप, सौ तनुजाताई घोलप, वेफको चेअरमन संजय होळकर, आदी मान्यवर उपस्थित होते.