आशाताई बच्छाव
पांडुरंग सखाराम कदम मुंबई रुग्णालय सेवानिवृत्त कर्मचारी यांचे दुःखद निधन
मुंबई (संजीव भांबोरे )महेश पांडुरंग कदम (मुंबई दूरदर्शन कॅमेरामन- मुक्त पत्रकार) व विनोद पांडुरंग कदम- शमनोज पांडुरंग कदम ( मुंबई रुग्णालय सेवेकरी तसेच भारतीय कामगार सेनेचे पदाधिकारी) ह्यांचे वडील कै. पांडुरंग सखाराम कदम (मुंबई रुग्णालय सेवानिवृत्त कर्मचारी, शिवसेना माजी गटप्रमुख ) यांचे गुरुवार दिनांक: २९/०२/२०२४ रोजी दुपारी अल्पाशाचे आजाराने आकस्मिक निधन झाले.
आमचे वडील आदरणीय पांडुरंग कदम यांचे निधन झाल्याची दु:खद बातमी अत्यंत दुर्दैवी, अनाकलनीय आहे, या आकस्मिक घटनेने नियतीवरचा विश्वास कमी झालायं, नियती कुणाला सावरायची संधीच देत नाही. आमच्या वडिलांच्या निधनाने मन हेलावून गेले. बाबांच्या जाण्याने कुटूंबियांचे छत्र गमावल्याची ही भावना क्लेशदायी आहे. परिवारावर कोसळलेल्या ह्या दुःखातून कुटुंबियांना सावरण्याचे बळ देव देवो ही ईश्वर चरणी प्रार्थना. वडिलांचा ७२ वर्षांचा सहवास हा अनमोल होता. ते वारकरी सांप्रदायातील सेवेकरी होते. दरवर्षी पंढरपूर व आळंदी चे वारी करायचे, खुप कष्टालु , मेहनती, आधारस्तंभ व प्रेरणादायक होते. त्यांचा मागे ३ मुले, १ मुलगी, सुनं व नातवंडे असा मोठा परिवार आहे.