आशाताई बच्छाव
अड्याळ येथील अशोक मोहरकर महाविद्यालयात संविधान जागृती कार्यक्रम
संजीव भांबोरे
भंडारा( जिल्हा प्रतिनिधी) डॉ आंबेडकर फाउंडेशन, राष्ट्रसंत तुकडोजी महाराज नागपूर विद्यापीठ नागपूर, डॉ. बाबासाहेब आंबेडकर अध्यासन आणि विचारधारा विभाग नागपूर व अशोक मोहरकर कला व वाणिज्य महाविद्यालय यांच्या संयुक्त विद्यमाने अशोक मोहरकर महाविद्यालय अडयाळ येथे संविधान जागृती कार्यक्रम आयोजित करण्यात आला.
याप्रसंगी अध्यक्षस्थानी महाविद्यालयाची प्राचार्य डॉ. राजू ढबाले हे होते प्रमुख वक्ता म्हणून डॉ.लालचंद रामटेके व प्रा. खुशाल फुलझेले प्रामुख्याने उपस्थित होते.
या प्रसंगी डॉ.लालचंद रामटेके यांनी संविधानाने दिलेल्या मूलभूत अधिकारांविषयी जागृत रहावे तसेच समता, स्वातंत्र्य, बंधुता आणि न्याय या मानवीमुल्यांचे जतन करावे असे आव्हान केले .प्रा. खुशाल फुलझेले यांनी उद्देश पत्रिका कर्तव्य व अधिकार सांगून लोकशाही जीवंत ठेवण्यासाठी प्रत्येक भारतीय नागरिकांने संविधानाचे महत्व समजावून देणे गरजेचे असे सांगितले प्राचार्य डॉ. राजू ढबाले यांनी संविधानाने बहुजन समाजातील लोकांना शिक्षण, समानता,भाषण स्वातंत्र्य, समान काम समान वेतन, स्त्री पुरुष समानतेचे तत्त्व स्वीकारून आत्मसन्मान भारतीय संविधानाने बहाल केले असा महत्वपूर्ण संदेश विद्यार्थ्यांना दिला.
कार्यक्रमाचे संचालन प्रा. किशोर हुकरे व आभार डॉ. श्रीकृष्ण भुरे यांनी मानले यशस्वीरीतेसाठी विद्यार्थी, प्राध्यापक व शिक्षकेत्तर कर्मचारी यांनी सहकार्य केले.