आशाताई बच्छाव
शिवजयंतीनिमित्त भरगच्च कार्यक्रमांचे आयोजन
मराठा क्रांती मोर्चा प्रणित शिवजन्मोत्सव सोहळ्याचे अध्यक्ष अशोक पडुळ यांची पत्रकार परिषदेत माहिती
जालाना (प्रतिनिधी दिलीप बोंडे) : मराठा क्रांती मोर्चा प्रणित शिवजन्मोत्सव सोहळा यावर्षी उत्साहात पार पाडण्याचा मानस असून भरगच्च कार्यक्रमाचे आयोजन करण्यात आले असल्याची माहिती समितीचे अध्यक्ष अशोक पडुळ यांनी दिली. शहरातील भाग्यनगर येथील मराठा सेवा संघाच्या कार्यालयात आयोजित पत्रकार परिषदेत ते बोलत होते.
यावेळी मराठा क्रांती मोर्चाचे राज्य समन्वयक डॉ. संजय लाखे पाटील, संतोष गाजरे, जगन्नाथ काकडे, समितीचे सचिव अरविंद देशमुख, सुनिल रत्नपारखे, सागर पाटील, बाळासाहेब देशमुख, इब्राहिम शेख, रमेश गजर, प्रताप देठे, संतोष कऱ्हाळे, किरण सिरसाठ, काकासाहेब खरात, दिपालीताई दाभाडे, स्वर्णाताई राऊत, ज्योतीताई मुजमुले आदींची उपस्थिती होती.
प्रारंभी प्रास्ताविक करतांना जगन्नाथ काकडे म्हणाले की, मराठा क्रांती मोर्चा ही चळवळ जेेव्हा फोफावली त्यावेळी केवळ या चळवळीला मराठा समाजाचाच शिक्का बसलेला होता. परंतू, हा शिक्का पुसल्या जाईल आणि ही चळवळ सर्वांचीच आहे, त्याच प्रयत्नाचा एक भाग म्हणून आम्ही 2019 सालापासून शिवजयंती महोत्सव मोठ्या प्रमाणावर साजरा करण्याचा निर्णय घेतला आणि तो अंमलात देखील आणला, असेही श्री. काकडे यांनी सांगितले. तसेच डॉ. संजय लाखे पाटील यांनीही मार्गदर्शन केले. श्री. पडुळ यांनी सांगीतले की, दि. 17 फेब्रुवारी शनिवारी सकाळी 11 वाजता शासकीय निरिक्षण गृह संजयनगर व अंबड चौफुली येथील राधाबाई बाल आश्रम येथे शालेय साहित्य (स्कुल बॅक, कंपास बॉक्स) वाटप करण्यात येणार असून दि. 18 फेब्रुवारी रविवारी सकाळी 11 वाजता अंकुर बालक मंदिर डबलजीन जुना जालना येथे छत्रपती शिवराय व गड किल्ले या विषयावर रांगोळी स्पर्धाचे आयोजन करण�
