प्रा.प्रणित देशमुख यांना सैनिक फेडरेशन चा पुरस्कार

आशाताई बच्छाव

प्रा.प्रणित देशमुख यांना सैनिक फेडरेशन चा पुरस्कार
. मयुर खापरे चांदुर बाजार स्थानिक गो.सी टोम्पे कला,वाणिज्य व विज्ञान महाविद्यालय चांदूरबाजार येथे स्व. संजय टोम्पे व समीर देशमुख यांच्या स्मृती प्रित्यर्थ आयोजित सैनिकांना समर्पित रक्ततुला कार्यक्रम घेण्यात आला. यामध्ये जवळपास दीडशे पेक्षा जास्त रक्तदात्यांनी रक्तदान केले. शहीद स्व. ओंकार चिंधुजी मासोतकर यांच्या पत्नी श्रीमती सरस्वती मासोतकर यांची रक्ततुला करण्यात आली. सन 2012 – 13 पासून संस्थेचे अध्यक्ष श्री. भास्करराव टोम्पे यांनी देशासाठी शहीद झालेल्या कुटुंबातील सदस्यांच्या रक्ततुलेने रक्तदान करण्याचे ठरवले तेव्हापासून शहीद पत्नी किंवा आई-वडिलांची रक्ततुला करून स्मृतिदिन साजरा करण्यात येतो. संस्थेचे अध्यक्ष मा.श्री. भास्करराव टोम्पे यांनी सैनिकांच्या या सर्व कामाची जबाबदारी प्रा. प्रणित देशमुख यांच्याकडे सोपवली तेव्हापासून ते निष्ठेने हे कार्य पार पाडत आहे .गेल्या दशकभरात माजी सैनिक व शहीद सैनिकाच्या सन्मानार्थ त्यांनी विविध प्रकारचे कार्यक्रम राबवून अतुलनीय कामगिरी बजावली त्याकरिता सैनिक फेडरेशन कडून त्यांना हा पुरस्कार देण्यात आला आहे. अशा प्रकारचे कार्य करताना निष्ठा आणि सातत्य राखून समाजासमोर एक नवा आदर्श त्यांनी ठेवला आहे.
2004 पासून स्व. संजय टोम्पे आणि समीर देशमुख यांच्या स्मृती प्रित्यर्थ तेव्हापासून तर आजतागायत त्यांच्या स्मृतिदिनी रक्तदान शिबिराचे आयोजन केले जाते त्याची धुरा अत्यंत जबाबदारीने तेवढ्या शिस्तीने त्यांनी पेलली आहे. हा पुरस्कार सैनिक फेडरेशनचे अध्यक्ष ब्रिगेडियर सुधीर सावंत यांच्या मार्गदर्शनात श्री धीरज राजे सातपुते सचिवसैनिक फेडरेशन महाराष्ट्र राज्य व तालुक्यातील बहुसंख्य माजी सैनिकांच्या उपस्थितीत त्यांना प्रदान करण्यात आला. या पुरस्काराचे संपूर्ण श्रेय प्रा प्रणित देशमुख यांनी संस्थेचे अध्यक्ष मा.भास्कर दादा टोम्पे मा. विजयराव टोम्पे, सर्व सहकारी बंधू यांना देतात.