आशाताई बच्छाव
परळीत राज्यातील पहिल्या दिव्यांगाच्या शिवभोजन केंद्राचे उद्घाटन डॉ.संतोष मुंडे यांच्या हस्ते संपन्न
मोहन चव्हाण
ब्युरो चिफ बीड जिल्हा
बीड/परळी दि:०९ रोजी बीड जिल्ह्यातीलच नव्हे तर राज्यातील पहिले दिव्यांगाच्या शिवभोजन केंद्राचे उद्घाटन दिव्यांग मंत्रालय उपाध्यक्ष डॉ.संतोष मुंडे यांच्या शुभहस्ते अतिशय उत्साहात संपन्न झाले.
राज्याचे कृषिमंत्री व बीड जिल्ह्याचे पालकमंत्री ना.धनंजय मुंडे त्यांच्या प्रयत्नातून मिळालेल्या या शिवभोजन केंद्राच्या उद्घाटन प्रसंगी नायब तहसीलदार श्री.बाबुराव रुपनर, राष्ट्रवादी काँग्रेस पार्टीचे तालुका अध्यक्ष वैजनाथ सोळंके, माजी उपनगराध्यक्ष आयुब पठाण, डॉ प्रवीण खाडे, मनसेचे तालुकाध्यक्ष श्रीकांत पाथरकर, नाभिक समाजाचे नेते सुरेंद्र कावरे, नगरसेवक शेख शंमु, अखिल भारतीय वारकरी संघटनेचे मराठवाडा अध्यक्ष रामेश्वर महाराज कोकाटे, डिजिटल मीडिया परिषदेचे तालुकाध्यक्ष नितीन ढाकणे आदी मान्यवर उपस्थित होते.
प्रस्ताविक सुरेंद्र कावरे यांनी केले, राज्याचे कृषिमंत्री व जिल्ह्याचे पालकमंत्री ना धनंजय मुंडे यांच्या मार्गदर्शनाखाली दिव्यांग कल्याण मंत्रालयाचे डॉ. संतोष मुंडे सतत दिव्यांगासाठी विविध उपक्रम राबवत असतात आणि दिव्यांगासाठी घेतलेले सामाजिक कार्य करण्याचा त्यांचा वसा ते अविरत जपत राहाणारे नेतृत्व म्हणून सर्वजण डॉ.संतोष मुंडे यांना पाहतात. आज पर्यंत दिव्यांगासाठी अहोरात्र कार्य करतोय आणि करत राहणार, असे उद्गार डॉ.संतोष मुंडे यांनी काढले तसेच सय्यद सुभान यांनी सुरू केलेल्या मराठवाडा शिवभोजनास त्यांनी शुभेच्छा दिल्या आणि शिवभोजन केंद्रास असणारा शासनाचा कोटा वाढवून घेण्यासाठी सर्वोतोपरी प्रयत्न करणार असा शब्दही दिला. सय्यद सुभान यांची कार्य करण्याची तळमळ आणि परिश्रम पाहून त्यांना केंद्र सुरू करण्यास सहकार्य केले असे परळीचे नायब तहसीलदार बाबुराव रुपनर आपल्या मनोगत म्हणाले. यावेळी राष्ट्रवादीचे तालुकाध्यक्ष वैजनाथ सोळंके, मनसेचे तालुकाध्यक्ष श्रीकांत पाथरकर, यांचीही भाषणे झाली. कार्यक्रमास जुबेर बाबा, सय्यद सकावत सर, सय्यद आबेद, संतोष आघाव, विठ्ठल साखरे, विष्णू आघाव, सय्यद असेच, इमरान शेख, सय्यद अशफाक आदींसह मान्यवरांची मोठ्या संख्येने उपस्थिती होती.