Yuva maratha news
बीडमध्ये मतदार जागृतीसाठी सायक्लोथॉनचे आयोजन
मोहन चव्हाण
ब्युरो चीफ बीड जिल्हा
बीड दि: २६ ‘सायकल चालवा आरोग्यासाठी मतदान करा लोकशाहीसाठी’ या उक्तीप्रमाणे रविवार दिनांक २८ एप्रिल रोजी बीड जिल्ह्यात मतदार जागृतीसाठी सायकलिंग (सायक्लोथॉन) हा विषय उपक्रम मतदानाचा टक्का वाढवण्यासाठी राबविला जाणार आहे. सोमवार दि: १३ मे २०२४ रोजी ३९ बीड लोकसभा मतदार संघात मतदान होणार आहे. मतदानाचा टक्का वाढविण्यासाठी जिल्ह्यात विविध उपक्रम राबविले जात आहेत. जिल्हा निवडणूक निर्णय अधिकारी दीपा मुधोळ – मुंडे यांच्या मार्गदर्शनात सायकलिंग (सायक्लोथॉन) उपक्रम राबवणार आहोत. रविवार दिनांक २८ एप्रिल सकाळी सात वाजता डॉक्टर बाबासाहेब आंबेडकर सामाजिक न्याय भवन, जिल्हाधिकारी कार्यालयाच्या शेजारी या ठिकाणाहून बीड शहरातील मुख्य रस्त्यावरून किमान दहा किलोमीटर सायकल चालवून मतदारांना मतदान करण्यासाठी जागरुकता निर्माण केली जाईल. या सायकल फेरीमध्ये बीडमधील मतदार नागरिक स्वयंस्फूर्तीने सहभागी होऊ शकतात. पांढरा टी-शर्ट व काळी पॅन्ट घालून या मॅरेथॉनचा हिस्सा होऊन ‘मी मतदान करणार असा संदेश मतदारांनी द्यावा’असे आवाहन जिल्हा निवडणूक निर्णय अधिकारी यांनी यावेळी केले. मुद्रित तसेच इलेक्ट्रॉनिक माध्यमातील पत्रकारांनी माध्यमकर्मींनीही या सायक्लोथॉनमध्ये सहभाग नोंदवून मतदारांना मतदानासाठी जागरूक करावे, अशी अपेक्षा जिल्हा निवडणूक निर्णय अधिकारी यांनी व्यक्त केली आहे. या सायकल रॅलीमध्ये बीड जिल्ह्यातील लायन्स क्लब, रोटरी क्लब, पोलीस, महिला, जिल्हा परिषद तथा महसूल संघटनेचे सदस्य मोठ्या संख्येने सहभागी होतील.