आशाताई बच्छाव
प्रस्थापितांची भीती मनातून काढून टाका ; शेतकऱ्याची अडवणूक होऊ देणार नाही
सतीश घाटगे : बोंधलापुरीत भाजपाच्या शाखा उदघाटनाला उत्स्फुर्द प्रतिसाद
घाटगे साहेबांच्या नेतृत्वाखाली बोंधलापुरीत भाजपाचा झंझावात
घनसावंगी/जालना दिलीप बोंडे: तालुक्यातील बोंधलापुरीत बुधवारी समृद्धी साखर कारखान्याचे चेअरमन सतीश घाटगे यांच्या नेतृत्वाखाली मोठ्या जल्लोषात भाजपाच्या शाखेचे उद्घाटन झाले. याप्रसंगी गावातील असंख्य युवकांनी सतीश घाटगे यांच्या नेतृत्वाखाली काम करण्यासाठी भाजपमध्ये जाहीर प्रवेश केला.
प्रस्थापितांची भीती मनातून काढून टाका, उसाचे राजकारण संपविण्यासाठी मी आलोय, बोंधलापुरीतील एकाही शेतकऱ्याची, युवकाची अडवणूक होऊ देणार नाही. त्यांच्या पाठीशी मी खंबीरपणे उभा आहे. असे सतीश घाटगे यांनी यावेळी उपस्थितीत गावकऱ्यांना सांगितले. तसेच गावातील शेतकऱ्यांच्या उसाचे टीपरुही शेतात उभे राहू देणार नाही. पंधरा दिवसात शेतकऱ्यांचा ऊस नेणार, असा शब्द दिला.
या शाखा उद्घाटन सोहळ्यास युवा मोर्चाचे अध्यक्ष शिवाजीराव कंटुले, जिल्हा सरचिटणीस रामेश्वर माने, जिल्हा उपाध्यक्ष रामेश्वर गरड, राजेंद्र छल्लारे, तालुका उपाध्यक्ष कृष्णा सागडे, शिवाजीराव पवार, बाबासाहेब हरबक, महादेव चिमणे, सतीश केसकर, शरद खरपडे, शरद खराबे, दत्ता पाटील मांगदरे, जगन्नाथराव काकडे, विशाल बोरसे, हरीश राठोड, राजकुमार उगले, शेख चांद शेख लतीफ, भगवानराव माळोदे, ओमप्रकाश माळोदे, लक्ष्मणराव काटे, दामोदर कुलकर्णी, आत्माराम मोरे, राजू किडे, चक्रधर धानोरे, रमेश मुंडे, सचिन मोरे, दीपक किडे, नितीन कुऱ्हे, प्रवीण कुलकर्णी, परमेश्वर सोनवणे यांच्यासह भाजपचे पदाधिकारी व कार्यकर्ते मोठ्या संख्येने उपस्थितीत होते.
