आशाताई बच्छाव
श्रीराम प्राण प्रतिष्ठापना:- संस्कार प्रबोधिनीच्या विद्यार्थ्यांची
भव्य शोभायात्रा,ठिकठिकाणी शोभायात्रेवर पुष्पवृष्टी
जालना, दि. २०(ब्युरो चीफ दिलीप बोंडे)- येथील जनजागृती मंडळ संचलित संस्कार प्रबोधिनी
विद्यालयाच्या वतीने श्रीराम प्रतिष्ठापना अनुषंगाने आज सकाळी भव्य
शोभायात्रा काढण्यात आली होती. शोभा यात्रेतील जयघोषाने आणि भगवे ध्वज
यामुळे वातावरण दुमदुमून गेले होते. श्रीरामलल्लाच्या जयघोषात सकाळी
शाळेच्या प्रांगणातून विविध वेशभूषेत श्रीराम, लक्ष्मण,सीता,दशरथ,शबरी
माता यांच्या सजीव देखाव्या सहित विद्यार्थी मोठ्या संख्येने सहभागी झाले
होते.
या शोभायात्रेची सुरुवात शाळेच्या प्रांगणातून जिल्हा संघचालक डॉॅ.नितीन
खंडेलवाल, जिल्हा कार्यवाह कमलेशजी कुकडेजा,नगर कार्यवाह राम
सुरी,नगरसेवक अशोक पांगारकर,गणेश सुपारकर, संस्थेचे अध्यक्ष सुरेश
कुलकर्णी,सचिव विजय देशमुख,विनायकराव देशपांडे,भास्करराव काळे यांच्या
उपस्थितीत शोभा यात्रेची सुरुवात करण्यात आली. भाग्यनगर,इंदिरानगर,
प्राचीन कचेरी रस्ता,शनी मंदिर,सराफ नगर आणि शाळेचे प्रांगण येथून शाळेत
शोभायात्रा विसर्जित करण्यात आली.शोभायात्रेतील श्रीरामाच्या जयघोषाने
वातावरण दुमदुमून गेले होते. गेल्या दोन दिवसापासून श्रीराम प्रतिष्ठापना
पार्श्वभूमीवर विविध स्पर्धा आयोजित करण्यात आल्या होत्या.
यामध्ये डॉ.पद्माकर सबनीस यांचे व्याख्यान आयोजित करण्यात आले होते.यात
बोलताना डॉ.सबनीस म्हणाले की मर्यादा पुरुषोत्तम रामासारखे होणे
प्रत्यक्षात शक्य आहे.त्याला संस्काराची जोड असणे आवश्यक आहे.कारण
श्रीराम मुलगा भाऊ पुत्र म्हणून सर्वश्रेष्ठ होते. असे ते म्हणाले. या
कार्यक्रमास संस्थेचे पदाधिकारी मुख्याध्यापक शिक्षक व शिक्षकेतर
कर्मचारी यांची मोठ्या संख्येने उपस्थिती होती.
