आशाताई बच्छाव
शिवमहापुराण कथेस येणाऱ्या भाविकांना चाळीसगांव शहर पोलिसांचे आवाहन
चाळीसगाव प्रतिनिधी विजय पाटील- दि 16 ते 20 जानेवारी दरम्यान चाळीसगाव येथे परमपूज्य पंडित श्री. प्रदिपजी मिश्रा (सिहोरवाले) यांच्या प्रभू श्रीराम महाशिवपुराण कथा चे आयोजन करण्यात आले आहे कथेस आलेल्या सर्व भाविकांना चाळीसगाव अप्पर पोलीस अधीक्षक रमेश चोपडे, सहाय्यक पोलीस अधीक्षक अभयसिंह देशमुख, पोलीस निरीक्षक संदीप पाटील यांनी आवाहन केले आहे.
कथा श्रवणा करीता येणाऱ्या महिला व पुरुष बांधवांनी मौल्यवान दागिने मोबाईल अथवा रोख रक्कम यांची कटाषाने काळजी घ्यावी, सोन्या चांदिचे दागिने घालुन येऊ नये,
महिलांनी मौल्यवान दागिने न घालता शक्यतो नकली दागिने चा वापर करावा,
वयस्कर व्यक्तींना नातेवाईक सांगुन हातातील अंगठी व गळ्यातील चैन काढुन दाखवु नका चोरीस जाण्याची शक्यता असते,
कपड्यावर घाण टाकुन आपले लक्ष विचलीत करून खिशातील पैसे व गळ्यातील दागिने चोरीस जाण्याची शक्यता असते,
एखादी व्यक्ती संशयास्पद वाटल्यास तात्काळ पोलीसांना कळवावे,
वयोवृध्द इसमांना पोलीस असल्याचे सांगुण अंगावरील दागिने काढण्यास सांगुन चोरीचे प्रकार यापुर्वी घडलेले आहेत पोलीस कधीही अंगावरील दागिने काढुन घेण्यास सांगत नाहीत त्याबाबत नागरिकांनी सर्तक रहावे, येतांना व जातांना मोबाईल पैशाचे पाकीट पर्स लक्षपुर्वक सांभाळावे,
आपल्या आजुबाजुला संशयित वस्तु, संशयित इसम, महिला अथवा लहान बालके विना कारण रेगाळत असतांना आपल्या निर्दशनास आल्यास अथवा संशयित रित्या फिरतांना दिसल्यास तात्काळ पोलीस विभागाशी संपर्क साधावा,
शिवमहापुराण कथेसाठी येणाऱ्या भाविकांच्या वाहनाच्या पार्किंगची स्वतंत्र व्यवस्था करण्यात आलेली असुन भाविकांनी आपली वाहने सुरक्षित ठिकाणी पार्क करावी,
अनोळखी व्यक्तिकडुन कोणत्याही प्रकारचे खाद्य पदार्थ (प्रसाद) म्हणुन स्विकारू नका अथवा खाऊ नका त्यात गुंगीकारक औषध
असु शकते व आपली फसवणुक करण्याची शक्यता नाकारता येत नाही,
शिवमहापुराण कथेसाठी येणाऱ्या भाविकांनी शक्यतो लहान बालकांना सोबत आणणे टाळावे तसेच सदर महापुराण कथेबाबत डिजीटल प्रसार माध्यमांव्दारे प्रक्षेपण होणार असुन शक्य असल्यास त्याचा वापर करावा,
गर्दीच्या ठिकाणी शक्यतोवर जाणे टाळावे असे आवाहन चाळीसगांव शहर पोलीस स्टेशन (०२५८९) २२०७७ डायल ११२ च्या वतीने सर्व अधिकारी व अंमलदार, गुन्हे शोध पथक यांनी केले आहे.