आशाताई बच्छाव
सायगावला वाळूची थप्पी करून डंपरने वाहतुक
महसूल व पोलीस विभागाची कारवाई
चाळीसगाव प्रतिनिधी विजय पाटील– गिरणा नदीपात्रातून वाळू चोरीचा वेगवेगळा फंडा वाळू चोरट्यांकडून वापरला जात आहे. तालु्नयातील सायगाव येथे गिरणा नदीपात्रातून बैलगाडीने वाळू वाहतुक करून ती एका ठिकाणी थप्पी केल्यानंतर या वाळूची जेसीबी व डंपरने वाळू वाहतुक करण्याचा प्रकार महसूल व पोलीस विभागाने केलल्या संयुक्त कारवाईत उघडकीस आणला आहे. या कारवाईत डंपर व जेसीबी जप्त करण्यात आले आहे.
या कारवाईबाबत मिळालेली माहिती अशी की, चाळीसगाव विभागाचे प्रांतधिकारी प्रमोद हिले आणि अप्पर पोलीस अधीक्षक रमेश चोपडे यांना गुप्त माहिती मिळाली की, सायगाव येथे डोंगर भागात आडोशाला वाळूची बैलगाड्यांद्वारे थप्पा मारून ही वाळू भरण्यासाठी एक जेसीबी व डंपर येत आहे.या माहितीवरून मेहूणबारे पोलीस स्टेशनचे सहाय्यक पोलीस निरीक्षक संदीप परदेशी, एएसआय मिलींद शिंदे, पोकॉ गोरख चकोर, निलेश लोहार, जितु परदेशी तसेच महसूल विभागाचे बहाळ मंडळाधिकारी झाडे, तलाठी सचिन हातोळे, राहूल आल्हात, गणेश गढरी, पवन शेलार, घनशाम बागूल, कोतवाल सागर बागूल यांच्या पथकाने रात्री छापा टाकला असता तेथे जेसीबी, डंपर असे अवैध वाळू भरतांना मिळून आले. जेसीबी व डंपर चालकांकडे वाळू वाहतुकीबाबत पथकाने विचारणा केली असता कोणताही परवाना नसल्याने पथकाने हे जेसीबी व डंपर जप्त करून मेहूणबारे पेालीस ठाण्यात जमा केले.या कारवाईचा अहवाल दंडात्मक कारवाई कामी वरिष्ठ अधिकाऱ्यांकडे पाठवण्यात आल्याचे सांगण्यात आले.
हे डंपर माणिक किसन नागरे रा. मनमाड यांच्या मालकीचे असून डंपर चालक मोहन बापू शरमाळे रा. बोळे ता. नांदगाव तर जेसीबी चालक अस्लम खान रा. मनमाड यांच्या मालकीचे असल्याने महसूल व पोलीस विभागाने सांगितले.