आशाताई बच्छाव
महिलांनी शासकीय योजनांचा लाभ घेऊन सक्षम आणि स्वावलंबी बनावे.:- सौ. योगिताताई पिपरे
मुख्यमंत्री महिला सशक्तीकरण अभियान अंतर्गत गोकुलनगर येथे भव्य महिला शिबीर,व सांस्कृतिक कार्यक्रम संपन्न
गडचिरोली,(सुरज गुंडमवार):-
केंद्र आणि राज्य सरकारने महिला सक्षमीकरणासाठी विविध विकास योजना आखल्या आहेत,या योजनांचा लाभ महिलांनी घ्यावा. महिला बचत गट सक्षम होण्यासाठी तसेच उद्योग व्यवसायात महिलांनी स्वयंपूर्ण बनाव याकरिता शासनाकडून विनातारण कर्ज उपलब्ध केला जात आहे,त्यामधून शहरी तसेच ग्रामीण भागातील महिलांनी लहान-मोठा उद्योग निर्माण करावा जेणेकरून महिलांचा सक्षमीकरण होण्यास मदत होईल. याकरिता महिलांनी शासकीय योजनांचा लाभ घेऊन सक्षम आणि स्वावलंबी बनावे असे प्रतिपादन भाजपा जिल्हा महामंत्री तथा माजी नगराध्यक्ष सौ.योगीताताई पिपरे यांनी केले.
नगरपरिषद गडचिरोली यांच्या वतीने गोकुलनगर येथिल कृषी उत्पन्न बाजार समिती परिसरात मुख्यमंत्री महिला सशक्तीकरण अभियान अंतर्गत भव्य महिला शिबिर व सांस्कृतिक कार्यक्रमाचे आयोजन करण्यात आले होते.यावेळी अध्यक्ष स्थानावरून मार्गदर्शन करताना योगीताताई पिपरे बोलत होत्या.
कार्यक्रमाला माजी नगराध्यक्ष डॉ. अश्विनीताई धात्रक, भाजपा जिल्हा महामंत्री प्रकाश गेडाम,भाजपा महिला आघाडी जिल्हाध्यक्ष गीताताई हिंगे,माजी नप सभापती मुक्तेश्वर काटवे,शिवसेना विदर्भ संपर्क प्रमुख वर्षाताई मोरे,माजी नगरसेवक केशव निंबोळ,माजी नगरसेविका निताताई उंदिरवाडे, माजी नगरसेविका विमलताई चिमुरकर,नप मुख्याधिकारी सूर्यकांत पिदूरकर,शिवसेना महिला आघाडीच्या निताताई वड्डेटीवार,शाळा व्यवस्थापन समिती अध्यक्ष शिलाताई मेश्राम, पुष्पाताई करकाड़े,वरघंटीवारताई,शेख ताई,अर्चना निंबोळ,ज्योती बागडे तसेच मोठया संख्येने महिला व नागरिक उपस्थित होते.
कार्यक्रमात विविध योजनांचे स्टॉल लावलेले होते.लाभार्थी महिलांना विविध योजना अंतर्गत लाभांचे मान्यवरांच्या हस्ते वितरण करण्यात आले.यावेळी रांगोळी स्पर्धा,एकल नृत्य,समूह नृत्य,तसेच विविध स्पर्धा घेण्यात आल्या.
कार्यक्रमाचे प्रास्ताविक उपमुख्याधिकारी रवींद्र भांडारवार तर संचालन वंदना गेडाम व आभार नाईक यांनी मानले. यशस्वीतेसाठी नगरपरिषदेतील अधिकारी,कर्मचारी तसेच नपशाळेतील शिक्षक वृंद व विद्यार्थ्यांनी सहकार्य केले.
