आशाताई बच्छाव
तलावात बुडुन विद्यार्थ्यांचा मृत्यू.
तुमसर तालुक्यातील डोंगराला येथिल घटना.
संजीव भांबोरे
भंडारा( जिल्हा प्रतिनिधी )आई शेतावर गेली म्हणून तिच्या मागोमाग रविवार सुट्टीचा दिवस असल्याने शेतावर जात असताना गावालगतच्या जवळच्या तलावात पाय घसरुन तलावाच्या पाण्यात इयत्ता चौथ्या वर्गात शिकत असलेल्या विद्यार्थ्यांचा बुडुन मृत्यू झाल्याची घटना ३ डिसेंबर रोजी सा़यकाळी घडली.
विर तेजलाल पटले(१०)रा.डोंगरला ता तुमसर असे मृतक विद्यार्थ्यांचे नाव आहे.
मृतक विर पटले हा विद्यार्थी गावातीलच जि.प पुर्व माध्यमिक शाळा डोंगरला येथिल इयत्ता चौथ्या वर्गात शिकत होता.रविवारी शाळेला सुट्टी असल्याने तो आईच्या मागोमाग शेतावर जात असताना तलावाजवळ शौचास बसला होता.दरम्यान त्याचा तलावांच्या पाण्यात पाय घसरुन जागीच मृत्यू झाल्याची घटना समोर आली. दरम्यान विरच्या आईच्या मागोमाग आलेला मुलगा अद्याप तिच्या पर्यंत पोहचला नसल्याचे माहीत होताच ती घराकडे परत येत असताना मुलगा तलावात पाण्यात पाय घसरुन बुडुन मृत्यू झाल्याची माहिती होताच आईने घटनास्थळीच ह़ंबरडा फोडला.त्यावेळी गावातील नागरिकांना सदर घटनेची माहिती होताच घटनास्थळी धाव घेत गर्दी केली होती.मृतक विर च्या मृत्यू पश्चात आई -वडील ,एक भाऊ असा परिवार आहे.विर च्या मृत्यूने गावात व परिसरात हळहळ व्यक्त केली जात आहे.
