आशाताई बच्छाव
मालेगाव मेंढपाळांसाठी सामूहिक वन दावे मंजूर करण्याची मागणी
मालेगाव,(निंबा जाधव)- वन हक्क कायदा कलम २ नुसार
धनगर जमात अनुसूचित जमाती मध्ये नमूद केल्यानुसार मेंढ्या चरायसाठी सार्वजनिक वन हक्क दावे ज्या त्या क्षेत्रात मेंढपाळ असतील त्यांना सामूहिक वनदावे सदर कायद्यानुसार दाखल करण्याची मागणी मालेगाव तालुक्यातील तसेच धुळे जिल्ह्यातील समाज बांधवांनी वन हक्क समितीचे अध्यक्ष, उपविभागीय अधिकारी तथा प्रांत मालेगाव यांना यावेळी समाजाच्या वतीने निवेदन देण्यात आले. कारण दरवर्षी मेंढपाळ बांधव हे आठ महिने बाहेरून मेंढी चराई करून गावी आल्यानंतर त्यांना पावसाळ्यामध्ये मेंढ्यांचा तळ देण्यासाठी जागा उपलब्ध नसते व मेहंदी व गुरे यांचे अतोनात हाल होतात. सदर वन हक्क कायद्यात कलम दोन मध्ये तरतूद केल्यानुसार धनगर समाज ही अनुसूचित जमातीमध्ये येत असल्याचे नमुद असून त्यानुसार सामूहिक वनदावे दाखल व्हावे. सदर मेंढपाळ बांधवांच्या नावे कायमस्वरूपी वनपट्टे देण्याबाबतची मागणी करण्यात आली यावेळी उपविभागीय अधिकारी तथाप्रांत अधिकारी मालेगाव यांनी शिष्टमंडळाला याबाबत सामूहिक वन हक्क दावे दाखल करण्याबाबत सूचित केले व सदर कायद्यानुसार सविस्तर चौकशी करून पुढील कार्यवाहीसाठी जिल्हा वन हक्क समिती तथा जिल्हाधिकारी नाशिक यांच्याकडे सदर दावे पाठवण्याबाबत आश्वासित केले. कारण हा प्रश्न संपूर्ण महाराष्ट्रात उद्भवला असून दरवर्षी पावसाळ्यात त्याची जास्त गरज असते.
यावेळी श्री. नितीन सदगीर, उपविभागीय अधिकारी मालेगाव व श्री.हिरे साहेब उपविभागीय वन अधिकारी मालेगाव ,यांना निवेदन देण्यात आले. यावेळी
श्री. आर. पी. कुवर(रावसाहेब), तळवाडे येथील माजी सरपंच समाधान शिरोळे, सामाजिक कार्यकर्ते निंबा भाऊ जाधव, श्री मनोज भाऊ देशमुख, आबा नंदाळे, नितीन भाऊ बच्छाव, सुरेश गवळी, शंकर पानसरे, रावजी जाधव ,येसू कांदळकर, समाधान जाधव, जगन जाधव, आत्माराम लांडगे, केदा जाधव, अनिल जाधव, धुळे येथील आबा बोरकर इत्यादी समाज बांधव उपस्थित होते.
