आशाताई बच्छाव
मोखाडा तहसील कार्यालयातील रिक्त पदे भरा अन्यथा आंदोलन करू? -विठ्ठल चोथे पाटील
मोखाडा,(युवा मराठा न्युज नेटवर्क)
तालुक्यातील तहसील कार्यालय येथे कर्मचारीच नसल्यामुळे नागरिकांची हेळसांड बघायला मिळते. योग्य वेळेवर कामे न झाल्यामुळे तालुक्यातील नागरिक त्रस्त आहेत. तहसील कार्यालयात एकूण मंजूर १४ पदांपैकी ७ पदे भरलेली आहेत तर ७ पदे रिक्त आहेत. त्या ७ भरलेल्या पदांपैकी ५ पदे सध्या स्थितित कार्यरत आहेत तर दोन पदांपैकी १ महसूल सहाय्यक निलंबित तर १ कर्मचारी बदली होऊन जिल्हाधिकारी कार्यालय येथे वर्ग करण्यात आले आहे. यामुळे येथील उर्वरित ५ कर्मचारी यांना ३ते४ टेबल ची कामे करावे लागतात. नागरिकांची कामे वेळेवर होत नाहीत ही बाब भाजपा तालुका अध्यक्ष यांना समजताच तत्काळ तहसील कार्यलयास भेट देऊन तेथील स्थिति जाणून घेतली व तात्काळ पालकमंत्री रविन्द्र चव्हाण यांना निवेदन देण्यात आले. तसेच दि.१२ जून पासून कार्यालयात लाइट उपलब्ध नाही,लाईट ये-जा करते तर ऑनलाइन कामास व्यत्यय येत असल्याचे तेथील कर्मचारी यांनी सांगितले . तसेच लवकरात लवकर कार्यलयात लाइट जनरेटर/इंनवेटर अश्या प्रकारच्या सुविधा उपलब्ध झाल्या पाहिजे तसेच रिक्त पदे लवकरात लवकर भरले नाही तर आम्ही तीव्र आंदोलन करू असा ईशा रा भाजपा तालुका अध्यक्ष विठ्ठल चोथे पाटिल यांनी दिला आहे.
