आशाताई बच्छाव
निमगाव वाकडा प्राथमिक आरोग्य केंद्रासाठी ६.३० कोटीचा निधी अखेर मंजूर —
आरोग्य राज्यमंत्री डॉ.भारतीताई पवार यांच्या प्रयत्नांना यश–
दैनिक युवा मराठा
रामभाऊ आवारे निफाड
निमगाव वाकडा येथे प्राथमिक आरोग्य केंद्राची इमारत जीर्ण झाल्यामुळे व वैद्यकीय सोयी अभावी ग्रामस्थांना छोट्या छोट्या वैद्यकीय कारणासाठी निफाड नाशिक या ठिकाणी जावे लागत होते.त्यामुळे अनेक रुग्णांचे हाल होत होते त्याबाबत गावातच सुसज्ज असे आरोग्य केंद्र असावे व सर्व वैद्यकीय सोयी उपलब्ध व्हाव्यात साठी भाजपा मंडलाध्यक्ष तथा माजी जि प सदस्य डी के नाना जगताप व भाजपा नाशिक जिल्हा महिला मोर्चा अध्यक्ष सौ सुवर्णाताई जगताप यांच्याकडे परिसरातील लोकांनी मागणी केली होती.या जागी सुसज्ज आरोग्य केंद्र व्हावे, यासाठी डी के जगताप व सौ सुवर्णा जगताप यांनी वेळोवेळी आरोग्य राज्यमंत्री डॉ भारतीताई पवार यांच्या कडे मागणी केली.अखेर त्यांच्या प्रयत्नांना यश येऊन आरोग्य आणि कुटुंब कल्याण मंत्रालयाने राष्ट्रीय आरोग्य अभियान मिशन कार्यक्रम अंमलबजावणी अंतर्गत वरील कामांसाठी मुख्य इमारत व कर्मचारी निवासस्थान यासाठी ६.३० कोटींचा रुपयांचा निधी मंजूर केला.
लासलगाव भाजप नेते राजाभाऊ चाफेकर,दत्तुलाल शर्मा,मंडल सरचिटणीस निलेश सालकाडे, पंचायत समिती सदस्य संजय भाऊ शेवाळे, महिला मोर्चा अध्यक्षा स्मिताताई कुलकर्णी, सरचिटणीस नितीन शर्मा, भाजपा युवा शहराध्यक्ष निलेश जगताप, निलेश लचके, सुनील नेवगे, धनंजय गांगुर्डे, बापू दरेकर, राजा भोसले, नवनाथ संभेराव, किरण कुलकर्णी, अभिषेक दरेकर, संजय गडाख, शैलजा भावसार, रंजना शिंदे, रूपा केदारे व भारतीय जनता पक्षाचे सर्व पदाधिकारी यांनी या कामासाठी विशेष परिश्रम घेतले.मुख्य इमारत बांधकाम व प्राथमिक आरोग्य केंद्र मंजूर झाल्याबद्दल नामदार भारतीताई यांचे आभार मानले.