आशाताई बच्छाव
शिवसेनेच्या पदाधिकारी सत्कार मेळाव्यात धुळघुस घालणाऱ्या वर कारवाई करा!
संग्रामपूर तालुका शिवसेनेच्या वतीने तहसीलदारांना निवेदन..
ज्ञानेश्वर पाटील दांदळे विशेष प्रतिनिधी
(युवा मराठा न्यूज नेटवर्क संग्रामपूर)
बुलढाणा येथे शिवसेनेच्या पदाधिकारी सत्कार मेळाव्यात धुळघुस घालणाऱ्यावर कारवाई करण्याच्या मागणी संदर्भात संग्रामपूर तालुका शिवसेनेच्या वतीने संग्रामपूर तहसीलदार यांना 5 सप्टेंबर रोजी निवेदन देण्यात आले
सदर दिलेल्या निवेदनात नमूद आहे की बुलढाणा कृषी उत्पन्न बाजार समितीच्या आवारात शेतकरी भवन येथे हिंदू हृदय सम्राट बाळासाहेब ठाकरे यांच्या आशीर्वादाने पक्षप्रमुख उद्धव ठाकरे यांच्या मार्गदर्शनाखाली बुलढाणा जिल्हा शिवसेना पदाधिकाऱ्यांच्या नियुक्त्याबाबत 3 सप्टेंबर रोजी सत्कार सोहळा आयोजित करण्यात आला होता प्रमुख मार्गदर्शक म्हणून उपनेते लक्ष्मणराव वडले, जिल्हा संपर्कप्रमुख नरेंद्र खेडेकर, जिल्हाप्रमुख जालिंदर बुधवंत, जिल्हाप्रमुख वसंतराव भोजने, सह संपर्कप्रमुख दत्ता पाटील, छगन मेहरते यांच्यासह जिल्ह्यातील उपजिल्हा प्रमुख तालुका प्रमुख शहर प्रमुख यांची उपस्थिती होती या कार्यक्रमाला शिवसेना पदाधिकारी व कार्यकर्त्यांची भरगच्च उपस्थिती होती दरम्यान सातत्याने दादागिरीच्या भूमिकेतून दहशत पसरवण्याचा प्रयत्न करणाऱ्या स्थानिक शिंदे गटाचे आमदार संजय गायकवाड यांच्या पुत्राच्या नेतृत्वात यांचे 20 ते 25 समर्थक यांनी येऊन कार्यक्रमस्थळी धुडगूस घातला व खुर्च्यांची फेकफाक केली यावेळी महापुरुषांच्या प्रतिमा देखील खाली पडल्या होत्या. काही पदाधिकाऱ्यांना लोटपाठ करून मारहाण सुद्धा केली. या घटनेचा जिल्ह्यातील समस्त शिवसैनिक तीव्र शब्दात निषेध करत आहेत. पक्षप्रमुख उद्धव ठाकरे यांच्या विचारानुसार जिल्ह्यातील शिवसैनिक शांततेची भूमिका ठेवून आहेत. जिल्हा व पोलीस प्रशासनाने या घटनेची गंभीर दखल घेऊन दोशींवर कडक कारवाई करण्यात यावी. अन्यथा शिवसेनेला आंदोलनात्मक पवित्रा घ्यावा लागेल अशा आशयाचा इशाराही या निवेदनातून देण्यात आलेला आहे. या निवेदनावर शिवसेना तालुकाप्रमुख रवींद्र झाडोकार पाटील, रमेश चिपडे , नंदकिशोर विश्वकर्मा , विजय मारोडे, शुभम घाटे शहराध्यक्ष, विजय मारोडे,अमोल ठाकरे, धनंजय अवचार, राहुल मेटांगे, रामदास मिसाळ , जगन्नाथ मिसाळ, अनिल सौदागर आदींच्या स्वाक्षऱ्या या निवेदनावर आहेत
बातमी फोटो कॅप्शन
नायब तहसीलदार चव्हाण यांना निवेदन देताना शिवसेना पदाधिकारी तथा शिवसैनिक
