आशाताई बच्छाव
गणपतराव ब्रिद माध्यमिक विद्यालय तांबडी चे मुख्याध्यापक एकनाथ राऊत सेवानिवृत्त रत्नागिरी,(सुनील धावडे)
संगमेश्वर तालुक्यातील तांबेडीसारख्या दुर्गम भागात काँग्रेसचे नेते गणपतराव ब्रिद यांनी या दशक्रोशीतील विद्यार्थी वर्गाला कडवई, संगमेश्वर सावर्डे असे दुर जावून शिक्षण घ्यावे लागत असल्याने अनेक अडचणी येत असत. ही समस्या दूर करणेसाठी गणपतरावांनी तांबेडीत चांगले व दर्जेदार विद्यादान मिळावे या हेतूने तत्कालीन खासदार व शिक्षण महर्षी कै.गोविंदराव निकम यांचे सहकार्याने माध्यमिक विद्यालययाची मुहुर्तमेढ रोवली. याच विद्यालयाचे मुख्याध्यापक एकनाथ सखाराम राऊत हे सेवानिवृत्त झाले.
त्यांचा सेवानिवृत्ती सत्कार सोहळा आज जि. प. प्राथमिक शाळा नं. २ तांबेडी गवळवाडी येथे शिक्षकवृंद व ग्रामस्थांचे उपस्थित झाला. त्यांनी अनेक वर्षे अध्ययनाचे कार्य केले. या काळात शाळेसाठी त्यांनी अनेक उपक्रम राबवून शाळेला नावारूपाला आणण्यात मोलाची कामगिरी केली. या शाळेला जिल्हा पातळीवर अनेक बक्षिसे मिळवुन दिली. विद्यार्थीप्रिय शिक्षिक म्हणून त्यांनी नावलौकीक मिळवला. या शाळेत शिक्षक व मुख्याध्यापक म्हणून त्यांनी सेवा बजावली.