आशाताई बच्छाव
पोळा सणाला बीडीडीएस पथक बुलढाणाच्या श्वान- शेरा तसेच तस्संम साधनांचा वापर करून केली घातपात तपासणी
युवा मराठा वेब न्युज पोर्टल
प्रतिनिधी- रवी शिरस्कार, संग्रामपूर
आपल्या संस्कृतीत पोळा हा विशेष आणि महत्त्वाचा सन आहे. तो उत्साहाने साजरा केला जातो.
त्यामध्ये प्रत्येक गावातील सर्व बैलजोड्या, वाजंत्री, सनई, ढोल, ताशे वाजवत मिरवणूकी काढल्या जातात लोक एकत्र येऊन. प्रत्येक गावचा ‘मानवाईक’ बैल तोरण तोडुन पोळा फुटतो आणि हे पाहण्यासाठी गावातील सर्व मंडळी एकत्र येत असतात.
या सणाला होत असलेल्या गर्दीला पाहून कोणताही घातपात न होण्याकरिता मा.पोलीस अधिक्षक अरविंद चावरीया बुलढाणा, तसेच अप्पर पोलीस अधीक्षक श्रवण दत्त यांच्या मार्गदर्शनाखाली दिनांक २५ऑगस्ट रोजी शेगाव येथील श्री गजानन महाराज मंदिर परिसर, रेल्वे स्टेशन परिसर, शेगाव बसस्टँड परिसर,खामगाव बसस्टँड परिसर त्याचप्रमाणे वरवट बकाल येथील 132 KV विद्युत सबस्टेशन आणि संग्रामपूर येथील बस स्टँड परिसर या सर्व ठिकाणची घातपात तपासणी पोलिसांच्या फौजफाट्यातील सर्वात महत्त्वाचा व आपत्कालीन परिस्थितीचा आधार असलेला विभाग म्हणजे बॉम्बशोधक आणि बाँब नाशक यांच्या बीडीडीएस बुलढाणा द्वारे हुकुमी एक्के समजल्या जाणारे श्वान आणि पथकाच्या इतर तस्संम साधनांचा वापर करून करण्यात आली आहे. त्यानंतर सदर पथक हे संग्रामपूर वरून पुढील तपासणी करिता जळगाव जा. कडे रवाना झाले होते.
यावेळी PSI मोबिन शेख, ASI अमरसिंग,हेड कॉन्स्टेबल ठाकुर, हेड कॉन्स्टेबल वैष्णव, हेड कॉन्स्टेबल कोसे, डॉग हँडलर गणेश जमदाळे, व शेरा नाव असलेला डॉग ह्या बीडीडीएस पथक बुलढाणा यांच्या मदतीने ह्या संपुर्ण तपासण्या घेण्यात आल्या आहे.
