आशाताई बच्छाव
शिवसंग्रामचे संस्थापक मराठ्यांची बुलंद तोफ
विनायक मेटे काळाच्या पडद्याआड
युवा मराठा न्युज वेब पोर्टल प्रतिनिधी रवि शिरस्कार
मा. विधान परिषदेचे आमदार विनायक मेटे(केज-बीड) यांचा दि.13/08/2022 रोजी पहाटे 05.05 वा. चे सुमारास मुंबई-पुणे एक्सप्रेस हायवे मुंबई लेनवर रसायनी पोलीस ठाणे हद्दीत फोर्ड गाडीमध्ये क्र MH.DP 6364 प्राणांतिक अपघात घडलेला आहे मेटे यांची गाडी मुंबई बाजूकडे दुसरे लेनने जात असताना कार चालक यांचा त्यांच्या गाडीवरील ताबा सुटून पुढे जाणाऱ्या अज्ञात वाहनाला धक्का मारून अपघात झाला आहे. सदर अपघातात आमदार विनायक मेटे हे अत्यंत गंभीर जखमी झाल्याने त्यांना तात्काळ आयआरबी ॲम्बुलन्स एम.जी.एम. हॉस्पिटल कामोठे येथे उपचारा करिता दाखल केले असता डॉ.धर्मांग यांनी त्यांची तपासणी करीत असताना त्यांना मृत घोषित केले. मेटे यांचे बाॅडीगार्ड पोलिस हवालदार राम ढोबळे हे कारमध्ये अडकल्याने कारमधून बाहेर काढून आय. आर. बी.या रुग्णवाहिकेने तात्काळ एम. जी. एम. हॉस्पिटल,कामोठे येथे उपचारासाठी नेण्यात आले आहे. कार आय.आर.बी क्रेनच्या साह्याने रस्त्याचे बाजूला घेतली आहे. सदर वेळी पी.एस.आय. चव्हाण साहेब तसेच रसायनी पोलीस स्टेशन एपीआय बालवडकर व स्टाफ तसेच आय. आर. बी.चे नवनाथ गोळे आणि स्टाफ हजर होते.सदर अपघाताची माहिती रसायनी पोलीस स्टेशनला मिळाली होती
मुंबई पुणे द्रुतगती महामार्गावर भातान बोगद्याजवळ झालेल्या या अपघाताला सुमारे तासभर वैद्यकीय मदत मिळाली नसल्याचा आरोप मेटें यांच्या वाहनचालक एकनाथ कदम यांनी केला.त्यांनी सांगितले की जेव्हा ते रस्त्यावर गाड्या थांबविण्यासाठी अक्षरशः रस्त्यावर झोपले तरी पण मात्र कोणत्याच गाड्या तिथे थांबल्या नाहीत. मला मुका मार लागला आहे. गार्डना थोडा मार बसला आहे. एअरबॅग होत्या म्हणून आम्ही वाचलोय, असे कदम म्हणाले. त्यावेळी त्यांना एका छोटा टेम्पो चालकाने मदत केली. दरेकरांच्या बॉडीगार्डला फोन केला आणि तेव्हा यंत्रणा हलल्याचे चालकाने सांगितले. त्याच्यानंतर आम्हाला रुग्णालयात आणले गेले, असे कदम यांनी सांगितले.
विनायक मेटे दुसऱ्या रांगेतील सीटवर बसले होते. पोलीस सुरक्षारक्षक पुढे बसला होता. मेटेंच्या कार चालकाने थर्ड लेनमधून मध्यल्या लेनमध्ये येण्याचा प्रयत्न केला. तेव्हाच ट्रकचालकही लेन बदलत होता. मेटेंची गाडी वेगाने असल्याचा संशय असून चालकाला गाडी कंट्रोल झाली नाही. यामुळे गाडी डाव्याबाजुने ट्रकवर आदळली. एअरबॅग उघडली, मेटे मागे झोपले होते. अचानक पुढे आदळल्याने त्यांच्या डोक्याला मार लागला. अपघातानंतर दहा टायरचा ट्रक थांबला नाही, चालक ट्रक घेऊन पळून गेला आहे. या ट्रक चालकाचा शोध घेतला जात आहे.
विनायक मेटे यांच्या जाण्याने मराठा समाजाचे झालेले नुकसान आम्ही शब्दात सांगू शकत नाही मात्र हा अपघात झाला की घातपात झाला अशी शंका उपस्थित होत आहे त्यामुळे या प्रकरणाची संपूर्ण चौकशी करावी
अशी मागणी मराठा क्रांती मोर्चाचे समन्वयक आबासाहेब पाटील यांनी केली