आशाताई बच्छाव
धक्कादायक ! पुण्यात भर शाळेच्या आवारात स्कूल बस पेटली; मोठी दुर्घटना टळली पुणे,(ब्युरो टिम युवा मराठा न्युज नेटवर्क)
पुण्यातील हडपसर भागात एंजल मिकी मिनी स्कुल आहे. या शाळेच्या आवारात ही बस उभी होती. दरम्यान, काल शाळेला सुट्टी होती. यावेळी अचानक बसमधून धूर येऊ लागला आणि यानंतर बसमधून अचानक आगीचे लोण बाहेर येऊ लागले. अचानक लागलेल्या या आगीमुळे शाळा प्रशासनाची धावपळ उडाली. मात्र शाळेला सुट्टी असल्याने बसमध्ये व जवळपास विद्यार्थी नसल्याने अनर्थ टळला. या घटनेची माहिती मिळाल्यानंतर अग्निशमन केंद्राचे अधिकारी घटनास्थळी दाखल होऊन आग आटोक्यात आणली.
बसच्या अंतर्गत भागात शॅार्ट सर्किंट होऊन आग लागण्याच्या घटना घडतात, मात्र या आगीमागचे कारण समजू शकले नाही. या शाळेत रोज अनेक विद्यार्थी हे स्कूल बसने येत असतात. काल मोहरम असल्याने शाळेला सुट्टी होती, त्यामुळे मोठा अनर्थ टळला.