आशाताई बच्छाव
सुपरफास्ट एक्सप्रेस गाड्यांचा जंक्शन रेल्वे स्टेशन वडसा व नागभीड येथे थांबा द्या. खा.अशोकजी नेते
मा.श्री. रावसाहेब दानवे केंद्रीय राज्यमंत्री, रेल्वे,कोयला व खनिज भारत सरकार,नई दिल्ली. यांना निवेदनाद्वारे मागणी केली गडचिरोली,(सुरज गुंडमवार ब्युरो चीफ युवा मराठा न्युज नेटवर्क)
गडचिरोली जिल्ह्यामध्ये एकमात्र रेल्वे स्टेशन वडसा व नागभीड आहे.गोंदिया ते चांदाफोर्ट या २६२ किमी च्या मार्गावर गाडीला एकही थांबा नसल्याने जनतेमध्ये वाढता असंतोष दिसून येतआहे.त्याकरिता या क्षेत्राचे लोकप्रिय खा.अशोकजी नेते यांनी वडसा व नागभीड येथे सुपरफास्ट एक्सप्रेस गाड्यांचा थांबा देण्याकरिता यासंदर्भातील निवेदन केंद्रीय रेल्वे राज्यमंत्री मान.रावसाहेब दानवे यांना दिले.
गोंदिया, नागभीड,चांदाफोर्ट या २६२ कि.मी च्या मार्गावर एकही थांबा देण्यात न आल्याने आश्चर्य व्यक्त होत आहे.जसे जबलपूर चांदाफोर्ट एक्सप्रेस( 22174 – 22173 ), सिकंदराबाद दरभंगा एक्सप्रेस (17007 – 17008), बिलासपुर चेन्नई एक्सप्रेस (12851 – 12852), यशवंतपुरम कोरबा व वैनगंगा एक्सप्रेस (12251 – 12252), हैदराबाद आर.एक्स.एल.
(17005 – 17006),एंव गया चेन्नई एक्सप्रेस (12389 -12390),इत्यादी या मार्गावरील सुपरफास्ट एक्सप्रेस या गाड्यांचा थांबा देण्याकरिता दखल घेत खा.अशोक नेते यांनी केंद्रीय रेल्वे राज्यमंत्री रावसाहेब दानवे यांना निवेदन देत या मार्गावरील एकमेव जंक्शन असलेल्या नागभीड व गडचिरोली जिल्ह्यातील एकमेव रेल्वे स्टेशन वडसा त्याकरिता सुपरफास्ट एक्सप्रेस या गाड्यांचा थांबा देण्याची मागणी केली.
तसेच गोंदिया नागभीड- चांदाफोर्ट या मार्गावरील कोरोनाकाळात बंद करण्यात आलेल्या अनेक पॅसेंजर गाड्या अजूनही सुरु करण्यात न आल्याने दैनंदिन प्रवास करणारे चाकरमानी व प्रवाश्यांना आर्थिक भुर्दंड बसत असून वेळेचाही अपव्यय होत आहे.या संदर्भात सुद्धा केंद्रीय रेल्वे राज्यमंत्री रावसाहेब दानवे याच्याशी पॅसेंजर गाडी सुरु करण्याबाबत सुद्धा चर्चा करण्यात आली.
आदिवासीबहुल व जंगलव्याप्त गडचिरोली लोकसभा क्षेत्रात एकही थांबा नसल्याने नाराजी व्यक्त करीत या मार्गावरील नागभीड व वडसा या महत्वपूर्ण स्टेशनवर या गाडीचा थांबा देण्यात यावा.याबाबत सकारात्मक चर्चा झाली असून लवकरच निर्णय अपेक्षित आहे.
याप्रसंगी खा.अशोकजी नेते, जिल्हा महामंत्री संजयजी गजपुरे,भाजपाचे जेष्ठ नेते मनोजभाऊ वठे उपस्थित होते.
