आशाताई बच्छाव
तीर्थक्षेत्र मूल्हेर येथे आषाढी एकादशी निमित्त भाविकांची अलोट गर्दी
संदीप गांगुर्डे पिंगळवाडे.
छत्रपती शिवाजी महाराज यांच्या पदस्पर्शाने पावन झालेल्या मूल्हेर किल्ल्याच्या पायथ्याशी मूल्हेर गावात वै. काशी राज महाराज यांचे शिष्य वै. परमपूज्य उद्धव महाराज यांची समाधी व विठ्ठल रुक्मिणी मंदिरात दर्शन घेण्यासाठी भाविकांची गर्दी.
कोरोना या माहामारीच्या काळात साधारण दोन वर्षे महाराष्ट्रातील सर्वच मंदिरे व धार्मिक स्थळे बंद होती त्यात मूल्हेर येथील संस्थान हि बंद होते. त्यामुळे साधारण मंदिर दोन वर्ष बंद असल्यामुळे भाविकांना मंदिरात दर्शन घेता आले नाही. परंतु या वर्षी शासनाच्या आदेशाने पालन करून मंदिर भाविकांसाठी खुले करण्यात आले. त्यामुळे भाविकांमध्ये आनंदाचे वातावरण होते. या मंदिरात साधारण दिवसभरात चार ते पाच हजार भाविकांची हजेरी लागली. या मंदिरात परिसरातील करंजाडी खोरे व मोसम खोरे या परिसरातील भाविक मोठ्या श्रद्धेने आले होते. विशेष म्हणजे मंदिर प्रशासनाकडून आलेल्या भाविकांसाठी उपवासाचे फराळ व चहाचे वाटप ठेवण्यात आले होते. तसेच आलेल्या भाविकांना कोरोना या आजाराचे सर्व बंधने पाळणे गरजेचे होते. त्यात सामाजिक आंतर, तोंडाला मास्क, जास्त गर्दी होऊ नये यासाठी मंदिर प्रशासन व ग्रामपंचायत मूल्हेर हे लक्ष देऊन होते. या संस्थांचे बहुतेक बांधकाम हे लाकडी स्वरूपाचे आहे. तसेच मंदिर परिसरात अगदी नयनरम्य चिंचेच्या झाडांचे मोठे पटांगन आहे. या ठिकाणी गावातील किंवा परिसरातील नागरिकांच्या सोयीसाठी प्रशस्त असे मंगल कार्यालय अगदी माफक दरात उपलब्ध आहे. अशा अनेक सोयी सुविधांनी सज्ज असलेले हे देवस्थान. याच परिसरात वैकुंठवासी ह. भ. प. रघुराज महाराज यांचेही समाधी स्थळ आहे.या स्थळालाही भाविक आवर्जून दर्शन घेतात. रघुराज महाराज यांचे सुपुत्र व आजचे मठाधिपती श्री भक्तराज महाराज यांच्या म्हणून यानुसार तब्बल दोन वर्षानंतर मंदिरात भाविकांची गर्दी बघून आम्हाला व ग्रामस्थांना मोठा आनंद झाला आहे यापुढेही गर्दी अशीच राहो हीच सदिच्छा. या पावन दिनी आषाढी एकादशी निमित्ताने या मंदिरात पहाटे काकड आरती त्यानंतर दुपारी बारा वाजता महा आरती,सायंकाळी हरिपाठ, तसेच सायंकाळी नऊ वाजता ह भ प नितीन महाराज मुडावतकर यांची जाहीर कीर्तनाचा कार्यक्रम संपन्न झाला.
तब्बल दोन वर्षाच्या प्रतीक्षेनंतर शासनाने सर्व धार्मिक स्थळ खुले केल्या नंतर त्यात उद्धव महाराज समाधी खुले झाले त्यामुळे भाविकांना व आम्हालाही मनापासून आनंद झालेला आहे
उद्धव महाराज संस्थान मठाधिपती
भक्तराज महाराज
