राजेंद्र पाटील राऊत
1 लाख रुपयाची लाच स्विकारतांना वनपाल एसिपीच्या जाळ्यात।
गडचिरोली,(सुरज गुंडमवार ब्युरो चीफ युवा मराठा न्युज नेटवर्क): शेतातील कंटिग केलेले सागवान वाहतुक करण्याकरिता लागणारा निर्गत परवाना (TP) देण्याच्या कामाकरिता 1 लाख रुपयाची लाच रक्कम स्विकारतांना सावली वनपरिक्षेत्रा अंतर्गत येत असलेल्या उपक्षेञ पाथरी येथिल वनपाल वासुदेव लहानू कोडापे यास लाचलुचपत प्रतिबंधक विभागाच्या पथकाने रंगेहाथ पकडले.सदर कारवाईमुळे वनविभागात एकच खळबळ उडाली आहे.सदर कारवाई काल 3 जून रोजी करण्यात आली.
प्राप्त माहितीनुसार,तक्रारदार यांनी गावातील शेतकरी यांच्या शेतातील कंटिग केलेले सागवान लाकूड वाहतुक करण्याकरीता लागणारा ठेकेदारीकरीता निर्गत परवाना (TP) देण्याच्या कामाकरीता उपक्षेञ पाथरी येथिल वनपाल कोडाप यांच्याकडे मागणी केली.वनपाल यांनी निर्गत परवाना देण्याच्या कामाकरीता 1 लाख 2 हजार रुपयांच्या लाच रकमेची मागणी करुन तळजोडीअंती 1 लाख रुपयाची लाच स्व:ता स्विकारल्याने त्यांच्या शासकिय निवासस्थानी लाचलुचपत प्रतिबंधक विभागाच्या पथकाने रंगेहाथ पकडले.
सदर कार्यवाही पोलिस उपायुक्त तथा पोलिस अधीक्षक लाप्रवि नागपुरचे राकेश ओला,अप्पर पोलिस अधीक्षक मधुकर गीते,तसेच उपअधिक्षक लाप्रवि चंद्रपुर अविनाश भामरे यांच्या मार्गदर्शनाखाली श्रीमती शिल्पा भरडे,तसेच कार्यालयीन स्टॉप सफौ रमेश दुपारे , नापोकॉ नरेश नन्नावरे,पो.अ रविकुमार ढेंगळे,वैभव गाडगे व चालक सतिश सिडाम यांनी केली.
कोणतीही लाचखोरी अधिकारी, कर्मचारी किंव्हा त्यांच्या वतीने कोणी खाजगी इसम लाचेची मागणी करित असल्यास लाच लुचपत प्रतिबंधक विभागाशी संपर्क करण्याचे आवाहन करण्यात आले आहे.
