राजेंद्र पाटील राऊत
वडगाव शिवारात अनोळखी मृतदेह
आढळला;वडनेर पोलिसांचे आवाहन
मालेगांव-तालुक्यातील वडगाव गावच्या शिवारात भिलाशेठ अस्मर यांच्या विहीरीत एका अज्ञात इसमाचा मृतदेह तरंगताना आढळून आल्याने खळबळ उडाली आहे.
याबाबतची माहिती वडनेर पोलिसांना वडगावचे पोलिस पाटील खुशालचंद वामन शिंदे यांनी कळविल्यावरुन पोलिसांनी घटनास्थळी भेट देऊन पाहणी केल्यावर मयताच्या उजव्या हाताच्या पंज्याजवळ ओम असे चिन्ह असून,दंडावर कवटी व खंजीर गोंदलेले आहे.उजव्या बाजूस छातीवर बदामाचे चिन्ह व एस.जी.असे गोंदलेले आहे.मयताच्या दोन्ही कानात काळ्या रंगाच्या बाळ्या असून,डाव्या हाताच्या दंडावर निळ्या रंगाच्या प्लास्टिक मण्याची माळ आहे तर कंबरेस निळे रंगाची अंडरपँन्ट आहे.व निळ्या रंगाची जिन्स पँन्ट आहे.
या अज्ञात मृतदेहाबाबत कुणाला काही माहिती असल्यास वडनेर खाकुर्डी पोलिस स्टेशनशी पुढील क्रमांकावर संपर्क 8468887115/9325717475 साधण्याचे आवाहन सहाय्यक पोलिस निरीक्षक संजय आर पवार यांनी केले आहे.
