राजेंद्र पाटील राऊत
सहकार विद्या मंदिरच्या बसने तरुणाला चिरडले, जागीच ठार, बुलडाणा शहरातील दुर्दैवी घटना, तीन मुलींचे पितृछत्र हरवले बुलडाणा (ब्यूरो चिफ स्वप्निल देशमुख यूवा मराठा न्यूज बूलडाणा ) ः विद्यार्थ्यांना घरी सोडून परतणाऱ्या सहकार विद्या मंदिरच्या बसने पादचारी तरुणाला चिरडले. यात त्याचा जागीच मृत्यू झाला. बुलडाणा शहरातील वावरे ले आऊट भागात आज, २१ फेब्रुवारी रोजी दुपारी साडेबाराच्या सुमारास ही दुर्दैवी घटना घडली.
मोहन जगन अवसरमोल (३०, रा. केसापूर, ता. बुलडाणा) असे अपघातात ठार झालेल्या तरुणाचे नाव आहे. विश्वसनीय सूत्रांच्या माहितीनुसार, सहकार विद्या मंदिरची बस (क्र. एमएच २८ बी ७२०३) वावरे ले आऊट भागातून विद्यार्थ्यांना घरी सोडून परतत होती. त्याच वेळी रस्त्याने जाणाऱ्या मोहनला बसने जोरदार धडक दिली. यात त्याचा जागीच मृत्यू झाला. अपघात झाला त्यावेळी बसमध्ये विद्यार्थी नसल्याचे पोलिसांनी सांगितले.
