राजेंद्र पाटील राऊत
“माझ्यासारख्या व्यक्तीवर ही वेळ आणण्यात येते तर भाजपामधील सर्वसामान्य कार्यकर्त्यांचे काय होणार? एकनाथ खडसेंचा संतप्त सवाल!”
ठाणे (अंकुश पवार, ठाणे शहर प्रतिनिधी, युवा मराठा न्यूज चॅनल)
आज एकनाथ खडसे यांनी जाहीरपणे भाजपच्या वरिष्ठ नेत्यांना शिंगावर घेतले आहे, भाजपचे कोण कोण गद्दार राष्ट्रवादीत आहेत….. अशा शेलक्या शब्दात टीका केले आहे. एका व्यक्तीच्या कट कारस्थानातून माझ्यावर आरोप झाले. मी बी एच आर पतसंस्थेचे गैरव्यवहार बाहेर काढले म्हणून माझ्या मागे ईडी लावण्यात आली,” असा आरोप करत एकनाथ खडसे यांनी अप्रत्यक्षपणे गिरीज महाजन यांच्यावर निशाणा साधला. “माझ्याकडे मी इन्कम टॅक्स भरतो याव्यतिरिक्त जर इतर बेहिशोबी मालमत्ता असेल तर मी ती जाहीरपणे यांना दान करीन. काहीही करा आणि एकनाथ खडसे यांना जेलमध्ये टाका असं कारस्थान सुरू आहे. परंतु मी कोणताही भ्रष्टाचार केलेला नाही,” असं एकनाथ खडसे यावेळी म्हणाले.
ईडीने अटक केली, मालमत्ता जप्त झाली अशी अफवा पसरवत आहेत. पण मी कोणताही गुन्हा केलेला नाही, सर्व व्यवहार कायदेशीर आहेत. गेल्या ४० वर्षांपासून तुम्ही सर्व मला ओळखत आहात. ४० वर्षात मी कोणताही भ्रष्टाचार केला नाही असं राष्ट्रवादी काँग्रेसचे नेते एकनाथ खडसे यांनी म्हटलं आहे. दरम्यान भाजपामध्ये कोण कोण गद्दार आहेत हे राष्ट्रवादीत आल्यावर मला समजलं असंही यावेळी त्यांनी सांगितलं.
