राजेंद्र पाटील राऊत
बागलाण तालुक्यातील शेतकऱ्याने फुलविली सफरचंद बाग सटाणा,(शशिकांत पवार तालुका प्रतिनिधी युवा मराठा न्युज नेटवर्क) बागलाण तालुक्यातील परंपरागत शेती पिकांना फाटा देत आखतवाडे येथील शेतकरी पंडित नेवबा ह्याळीज यांनी त्यांच्या शेतात सफरचंदाची शेती पिकवली आहे त्यामुळे त्यांचे सर्वत्र कौतुक होत आहे . बागलाण तालुक्यात विशेषकरून मोसम पट्ट्यात मोठ्या प्रमाणात डाळिंब व द्राक्ष याचे उत्पादन घेतले जातात या दोन पिकांसाठी हा परिसर प्रसिद्ध असून या परिसरातून एक्सपोर्ट प्रतीचे डाळिंब व द्राक्षे पिकवली जातात परंतु डाळिंबावरील मर व तेल्या रोगापासून शेतकरी हैरान होऊन अनेक शेकऱ्यांनी आपल्या शेतातील निराशे पोटी डाळिंबाच्या बागा उपटून टाकल्या व कांदा , मका सारखी पिके घेतली परंतु या परंपरागत पिकांसोबत नवीन काहीतरी करण्याची उमेद असलेले प्रयोगशील शेतकरी पंडित ह्याळीज यांनी आपल्या शेतात सफरचंद ची शेती करून उत्कृष्टपणे चांगल्या प्रतीची सफरचंदचे पिक घेतले आहे .त्यामुळे बागलाण तालुक्यात हा सध्या कुतूहलाचा विषय ठरला आहे. त्यांच्या या प्रयत्नांनी अनेक शेतकऱ्यांनी प्रेरणा घेत आपल्या शेतात देखील बरोबर सफरचंदाचे पीक घेण्याची तयारी दाखवली आहे .काश्मीर, हिमाचल प्रदेश मध्ये सफरचंदाचीशेती केली जाते परंतु आम्ही बागलान कर देखील ही शेती करून उत्कृष्ट प्रतीचे सफरचंद पिक काढू शकतो हाच संदेश कदाचित या प्रगतशील शेतकऱ्यांच्या माध्यमातून बागलान चे शेतकरी देत आहेत असेच म्हणावे लागेल.
” _माझी डाळींबाची मोठी बाग होती पण सलग तीन ते चार वर्षापासून ऐन फळ काढणीच्या वेळेसच तेल्या रोगांमुळे व मर मुळे सगळ पिक हातून जातं असे अक्षरशः उकिरड्यावर फेकुं द्यावे लागत होते त्याला वैतागून ही आगळी वेगळी
शेती केली आणि त्यात यश मिळाल्याचे समाधान आहे व सर्व शेतकरी बांधवांनी ही शेती करावी ”
पंडित नेवबा ह्याळीज _,प्रयोगशील शेतकरी, आखतवाडे_
