आशाताई बच्छाव
लोहा तालुक्यात संत बाळुमामाच्या भंडाऱ्यात विषबाधा ; तर रूग्णांवर तातडीने उपचार चालु
लोहा प्रतिनिधि अंबादास पाटील पवार
लोहा तालुक्यातील कोष्टवाडी परीसरात संत बाळुमामा यांच्या पालखी सोहळ्यात आरतीचा कार्यक्रम झाल्यानंतर भंडारा प्रसादात काल एकादशी असल्यामुळे भाविकांना भगर हा महाप्रसाद करण्यात आला होता या महाप्रसादात विषबाधा झाल्यामुळे सावरगाव , कोष्टवाडी, हरणवाडी , पेंडु , सादलापुर , सह परीसरात अन्य गावातील व्यक्तींना तो भंडाऱ्याचा महाप्रसाद सेवन केल्याने विषबाधा झाली असुन यामध्ये 2 ते 2.50 हजार लोकांचा समावेश असुन सदरील पेशन्टला शासकीय रुग्णालय लोहा तसेच खाजगी रुग्णालयात दाखल करण्यात आले आहे. तर एस टी बस सह अन्य खाजगी वाहनांने काही पेशन्टला शासकीय रुग्णालय नांदेड , अहमदपूर येथे दाखल करण्यात आले आहे. सर्वांना उपचार प्रकिया चालु असुन पोलिस निरीक्षक अधिक्षक , नायब तहसीलदार , असंख्य अधिकारी व कर्मचारी यांचे अथक प्रयत्न चालू आहेत.
सर्व रूग्णांना उपचार चालू आहे , वाहने पण उपलब्ध आहेत, सरकारी दवाखान्यासह औषध पुरवठा पण उपलब्ध आहे सध्या शांतता आहे कायदा व सुव्यवस्थेचा प्रश्न नाही अशी माहिती लोहा पोलिस स्टेशनचे पोलीस निरीक्षक ओमकांत चिंचोलकर यांनी दिली आहे.