वडगांव : येथील तांबवे वसाहतीमधील एका घरातील मुलानेच दोन लाख रुपयाचे दागिने लंपास गेले होते. पोलिसांनी ३६ तासांत चोरी उघडकीस आणून मुलाला अटक केली. या चोरीची घटना सोमवारी झाली होती.
या बाबत मच्छिंद्रनाथ श्रीपती पाटील वय३४ (तांबवे वसाहत) असे अटक करण्यात आलेल्या मुलाचे नाव आहे. याबाबत फिर्याद श्रीपती पाटील यांनी वडगांव पोलिसांना दिली होती.
तांबवे वसाहतीत हनुमान मंदिरा जवळ श्रीपती पाटील व मुले, नातेवाईक यांच्या सोबत राहत आहेत.
त्यांचा मुलगा मच्छिंद्रनाथ हा शेजारीच राहतो. दरम्यान, सोमवारी श्रीपती पाटील यांच्या घरातील पाच तोळ्यांचे सोन्याचे दागिने चोरीला गेले होते. दरम्यान, तपासासाठी अप्पर पोलीस अधीक्षक जयश्री गायकवाड, पोलीस निरीक्षक संतोष गोळवे, पोलीस हवालदार अमरसिंह पावरा, दादा माने, संदीप गायकवाड, योगेश राक्षे यांचे पथक तयार केले होते. त्यांनी चोरीचे सोने विक्रीला जातील, असे समजुन सराफ लाइन येथे तपास करीत होते. यावेळी एका सराफा व्यावसायिकाकडे एक जण सोने विक्रीला आल्याची माहिती मिळाली.पोलिसांनी मच्छिंद्रनाथ श्रीपती पाटील याची चौकशी सुरू केली. सुरुवातील त्याने उडवाउडवीची उत्तर द्यायला लागला . त्याला पोलिसी खाक्या दाखविल्यावर चोरीची कबुली त्याने दिली. त्याच्याकडून एक लक्ष्मीहार, गंठण, वेल जोड, टाॅप्स, अंगठी असा एकूण पाच तोळ्यांचा ऐवज जप्त केला आहे.
त्यास येथील प्रथमवर्ग न्यायदंडाधिकारी जे. एस. गायकवाड यांच्यासमोर उभे केले असता,त्याल एक दिवसाची पोलीस कोठडी मिळाली आहे.
अधिक तपास पेठ वडगांव पोलीस ठाण्याचे हवालदार अमरसिंह पावरा करीत आहेत.
युवा मराठा न्युज नेटवर्क.
