झेप प्रतिष्ठान तर्फे आदिवासी बांधवांसाठी नवीन वर्षात ९ व्या मेडिकल कँप चे आयोजन

राजेंद्र पाटील राऊत

झेप प्रतिष्ठान तर्फे आदिवासी बांधवांसाठी नवीन वर्षात ९ व्या मेडिकल कँप चे आयोजन
पालघर विजय पवार महाराष्ट्र प्रतिनिधी युवा मराठा न्युज )

पालघर :झेप प्रतिष्ठान तर्फे जव्हार येथील बेहेडपाडा या झेप प्रतिष्ठानने शैक्षणिक रित्या दत्तक घेतलेल्या आदिवासी पाड्यात प्रत्येक महिन्यात मेडिकल कॅम्प घेण्यात येतात. या ९ व्या मेडिकल कँपचे आयोजन डॉक्टर आणि स्वयंसेवक यांच्या मदतीने केले गेले होते.

या दरम्यान गावातील शाळेतल्या मुलांची, ज्येष्ठ नागरिकांची तसेच गरोदर स्त्रियांची तपासणी करण्यात आली आणि त्यांना आवश्यक ती औषधे आणि गरोदर स्त्रियांसाठी व्हिटॅमिन आणि कॅल्शिअम ची औषधे देण्यात आली. या भागात अजू ही कुपोषणाची समस्या आहे आणि आहाराबाबत जागरूकता नसल्याने मुलांना विविध विकारां चा सामना करावा लागतो. या कॅम्प दरम्यान प्रत्येक वेळी मुलांची उंची तसेच वजन यांची नोंद करण्यात करून संबंधित पालकांना पोषण आहार तसेच multivitamin बद्दल माहिती तसेच प्रोटीन पावडर चे डब्बे देण्यात आले. तसेच त्यांच्या आजारावर प्राथमिक औषधे देण्यात आली.

सोबतच मुलांसाठी खेळणी आणि खाऊ तसेच पाड्यातील नागरिकांसाठी कपडे वाटप करण्यात आले अशी माहिती झेप प्रतिष्ठानचे श्री विकास धनवडे यांनी दिली….