🛑 *शहरात स्वच्छतागृहाची वानवा* 🛑

🛑 *शहरात स्वच्छतागृहाची वानवा* 🛑
✍️ पुणे 🙁 विलास पवार पुणे ब्युरो चीफ युवा मराठा न्युज )

पुणे :⭕ देशात राहण्यासाठी सर्वांत चांगले शहर म्हणून नामांकन मिळालेल्या पुण्यात सार्वजनिक स्वच्छतागृहांची वानवा आहे. शहरात नगर रस्ता क्षेत्रीय कार्यालयांतर्गत एकही युरिनल (मुतारी) नाही. 35 लाख पुणेकरांसाठी शहरात केवळ 157 युरिनल असल्याची माहिती काँग्रेसचे गटनेते आबा बागूल यांनी दिली.

स्वच्छ भारत अभियानांतर्गत आपण सार्वजनिक स्वच्छतेचे धडे गिरवत असतो. महापालिकेला नामांकन मिळावे यासाठी प्रशासनाची धडपड सुरू असते. अशा परिस्थितीमध्ये आपण सार्वजनिक स्वच्छतेकडे किती लक्ष देतो याचे पितळ उघड झाले आहे.शहरामध्ये एकूण सार्वजनिक स्वच्छतागृहांची संख्या 1381 इतकी आहे.

यामध्ये सामुदायिक स्वच्छतागृहाची संख्या 861 आहे. ही स्वच्छतागृहे प्रामुख्याने शहरांच्या झोपडपट्ट्यांंमध्ये अधिक आहे. त्यामुळे 40 टक्के पुणेकरांसाठी ही सुविधा अपुरीच म्हणावी लागेल. सार्वजनिक स्वच्छतागृहांची संख्या 363 इतकी आहे. मुतार्‍यांची संख्या 157 इतकी आहे. पुणे शहरातील नागरिकांना सार्वजनिक स्वच्छतागृहाची शोधाशोध करावी लागते.
शहरातील अनेक स्वच्छतागृहे पाडली

महिला बालकल्याण समितीला प्रस्ताव देवून शहरातील गेल्या काही वर्षामध्ये अनेक स्वच्छतागृहे पाडण्यात आली आहेत. त्याबदल्यात दुसरी स्वच्छतागृहे बांधण्यात आली नाहीत. त्यामुळे याच्यासंख्येत आणखीनच घट झाली आहे.

सध्या अस्तित्वात असलेल्या स्वच्छतागृहांची अवस्था अतिशय वाईट आहे….⭕