• Home
  • व्हॉट्सएँपला स्वदेशी पर्याय आला !

व्हॉट्सएँपला स्वदेशी पर्याय आला !

🛑 आला… आला! 🛑
⭕” भारत मँसेंजर “⭕
व्हॉट्सएँपला स्वदेशी पर्याय आला !
( विजय पवार महाराष्ट्र प्रतिनिधी युवा मराठा न्युज )

नागपूर :⭕ दहा वर्षांपूर्वी अमेरिकेत उदयाला आलेल्या व्हॉट्‌सऍपने जगभरात धमाल उडवून दिली. फार अल्प काळात या ऍपने प्रत्येकाच्या मोबाईलमध्ये हक्‍काचे स्थान निर्माण केले. व्हॉट्‌सऍपने केवळ भारतीयांच्याच नव्हे तर जगातील लोकांच्या जीवनशैलीतही मोलाचे बदल घडविले. मात्र, आता काळ स्वदेशीचा आहे. त्यामुळे प्रत्येकाच्या ग्रुपवर चर्चा रंगते आहे ती भारतीय बनावटीच्या भारत मॅसेंजरची.

कोरोनाच्या संकटात सापडलेल्या जगाने बघता बघता चीनच्या वस्तूंना बॉयकॉट करणे प्रारंभ केले आहे. याचाच एक भाग म्हणून नागरिकांनी मोबाईलमधील चीन बनावटीचे ऍपदेखील अनइन्स्टॉल करणे प्रारंभ केले आहे. विशेष म्हणजे याचा सर्वाधिक फटका बसला असेल तर तो टिकटॉकला.

अनेकांनी टिकटॉक ऍपला बाहेरचा रस्ता दाखविला असून, आता व्हॉट्‌सऍप मॅसेंजरलाही पर्याय उपलब्ध झाला असल्याने भारतीयांनी भारत मॅसेंजरला पसंती दिलेली आहे.

सोनम वांगचूक यांनी नुकतेच भारतीयांना चिनी प्रॉडक्‍स बॉयकॉट करण्याचे आवाहन केले होते. प्रत्येक युद्ध सीमेवर लढता येते असे समजू नका, तर देशातील सामान्य व्यक्‍तीलाही ते लढायचे आहे, असे वांगचूक म्हणाले होते. व्हॉट्‌सऍपचा जन्म दक्षिण अमेरिकेत झाला असला तरी व्हॉट्‌सऍपच्या धर्तीवर भारत मॅसेंजरचा चाहतावर्गदेखील झपाट्याने वाढतो आहे. एका समुदायाने तर एक जूनला सर्वांनी भारत मॅसेंजर डाउनलोड करून घ्या, असेदेखील आवाहन केले आहे.

anews Banner

Leave A Comment