आशाताई बच्छाव
मुख्यमंत्री आदित्यनाथ योगी शहरात आले पाईपलाईन पूर्ववत केली परंतु आज पाण्याचा अपव्यय सुरू
संजीव भांबोरे
भंडारा (जिल्हा प्रतिनिधी) काल दिनांक 8 एप्रिल 2024 ला भंडारा गोंदिया लोकसभेचे उमेदवार सुनील मेंढे यांच्या प्रचारार्थ उत्तर प्रदेशचे मुख्यमंत्री आदित्यनाथ योगी हे भंडारा शहरात आले होते. स्थानिक नगर प्रशासनाने शहरातील शास्त्री चौकातील पाण्याचा मोठा पाईप तुटल्याने शास्त्री चौकात मोठ्या प्रमाणात पाण्याचा अपव्यय होत होता. त्यामुळे तो तात्पुरता दुरुस्त करण्यात आला होता. ही पाईपलाईन पुन्हा फुटल्याने पाण्याचा मोठ्या प्रमाणात अपव्यय होत आहे .त्यामुळे भंडारा शहरातील जलपुरवठा योजना नागरिकांच्या दृष्टीने असफल ठरत आहे. शहरातील नागरिकांना प्रशासनाच्या चुकीमुळे पाणी मिळत नाही. त्यामुळे स्थानिक प्रशासनाने शास्त्री चौकातील जलपुरवठा लाईन योजना पूर्ववत दुरुस्त करावी अशी मागणी सामाजिक कार्यकर्ते चंद्रशेखर खोब्रागडे यांनी केलेली आहे.
