आसई येथील योगेश कोरडे यांचा ट्रक्टर पलटी होऊन अपघाती मृत्यू

आशाताई बच्छाव

आसई येथील योगेश कोरडे यांचा ट्रक्टर पलटी होऊन अपघाती मृत्यू
जिल्हा प्रतिनिधी जालना -वसंतराव देशमुख
दिनांक 25/03/2024
सविस्तर वृत्त असे की, दी.24 वार रविवार या दिवशी मयत योगेश हा होळीचा सण असल्याने आपल्या आईला सांगून गेला की, मला पुरण पोळी करुण ठेव मी कामावरून लवकर येतो. असे सांगून कामावर निघून गेला. मयत योगेश कोरडे वय अवघे 20 वर्ष हा जाफराबाद तालुक्यातील आसई येथील रहिवाशी होता. त्यांचा ट्रॅक्टर पलटी होऊन त्याचा जागीच मृत्यु झाल्याची घटना भोकरदन तालुक्यातील सीपोरा बाजार शिवारात घडली. योगेश पांडुरंग कोरडे हा सकाळी कामावर गेला होता. मक्याचे पोते घेऊन विक्रीसाठी ट्रॅक्टर सीपोरा बाजार येथून माघारी निघाले होते. दरम्यान गावाकडे येतांना वळन रस्त्यावर ट्रक्टर पलटी झाले. यामध्ये बसलेला योगेश कोरडे ट्रॉली खाली दाबला. यावेळी त्याला नागरिकांनी उपचारासाठी शासकीय रुग्णालयात दाखल केले. डॉक्टरांनी त्याला तपासून मृत घोषित केले. वडील वर्षभरापासून अर्धांग वायू झाल्याने घरातच अंथरुणावर पडून आहे. त्यामुळे घराची जबाबदारी योगेशच्या खांद्यावर होती. शेतात माल होत नसल्याने घरची परिस्थिती हालाखीची आहे. त्याच्या मृत्यूने त्याच्या कुटुंबावर दुःखाचा डोंगर कोसळला आहे. आसई तसेच परिसरातून हळहळ व दुःख व्यक्त होत आहे.