राजेंद्र पाटील राऊत
आमदार मेघना साकोरे बोर्डीकर यांच्या हस्ते पेवर ब्लॉक, सीसी रोड व नाली बांधकामाचे उद्घाटन
प्रतिनिधी:-शत्रुघ्न काकडे पाटील युवा मराठा न्युज नेटवर्क ब्युरो चीफ
(परभणी) जिंतूर:-तालुक्यातील सावंगी म्हाळसा ग्रामपंचायत अंतर्गत येणाऱ्या येलदरी कॅम्प सावंगी म्हाळसा, हिवरखेडा या ग्रुप ग्रामपंचायत अंतर्गत येलदरी कॅम्प मध्ये सीसी रोडचे उद्घाटन आज गुरुवारी संपन्न झाले.तालुक्यातील सावंगी म्हाळसा ग्रामपंचायत अंतर्गत येलदरी कॅम्प येथील वसाहती मध्ये मागील ३०ते ४०वर्षांपासून ये जा करण्यासाठी रस्ता उपलब्ध नव्हता, त्यामुळे जिंतुर विधानसभेच्या आमदार मेघना साकोरे बोर्डीकर यांच्या प्रयत्नातून भारतरत्न डॉ. बाबासाहेब आंबेडकर सामाजिक विकास योजने अंतर्गत सन २०२१-२२ या वर्षासाठी परभणी जिल्ह्यातील मंजूर करण्यात आलेल्या कामां पैकी मौजे सावंगी म्हाळसा ग्रामपंचायत अंतर्गत येलदरी वसाहत येथे पेवर ब्लॉक, सीसी रोड व नाली बांधकामाचे उद्घाटन जिंतूर सेलू विधानसभेचे माजी आमदार रामप्रसाद बोर्डीकर यांच्या हस्ते संपन्न झाले.
यावेळी सावंगी म्हाळसाचे माजी सरपंच प्रमोद चव्हाण जिंतूर कृषी उत्पन्न बाजार समितीचे माजी संचालक भगवानरावजी महाळणार, ब्रिजगोपाल तोष्णीवाल, विजय चव्हाण, बाळासाहेब माकोडे, प्रदीप चव्हाण, गजाननराव चव्हाण, दीपक चव्हाण, महेंद्र लाटे, रमेश कंठाळे हिरामण चव्हाण, माधव चव्हाण, प्रदीप चौधरी, यांच्या सह मोठ्या संख्येत कार्यकर्ते उपस्थित होते. यावेळी माजी आमदार रामप्रसाद बोर्डीकर यांनी जिंतूर तालुक्यातील ग्रामीण भागातील विविध विकास कामे मार्गी लावण्यासाठी आपण प्रयत्नशील असल्याचे सांगितले येलदरी येथील पूर्णा नदीवरील पुलाच्या मंजुरीचे काम अंतिम टप्प्यात असून लवकरच त्याबाबतीत संबंधित विभागाकडून निविदा प्रक्रिया पूर्ण होऊन पुलाच्या बांधकामाचे उद्घाटन करण्यात येईल असे सांगितले. यावेळी विविध विषयांवर चर्चा झाली.